Қазақстанның авиациялық әкімшілігі АҚШ тағыдан кем түспейтін елдегі екі әуежайды атады

АСТАНА, 19 мамыр – Sputnik. "Қазақстанның авиациялық әкімшілігі" АҚ бас атқарушы директоры Майкл Дэниел АҚШ-тағыдан кем түспейтін Қазақстандағы екі әуежайды атады, деп хабарлайды Sputnik Қазақстан тілшісі.

Бүгінде авиациялық әкімшілік "Best Airport Service" бастамасы аясында үнемі мониторинг жасап отырады. Жолаушылар арасында сауалнама жүргізіп, әуежайлардың қызмет сапасын бағалайды. Ал жолаушылардың құқығы бұзылған жағдайда айыппұл салынады.

"Мен өзім Түркістан мен Шымкент әуежайларына барғанда жолаушыларға қызмет көрсету сапасына тәнті болдым. Меніңше, осы екі әуежай Америка Құрама Шаттарындағы тура сондай әуежайлардың талаптарына сай келеді, тіпті, одан асып түседі", - деді Дэниел үкіметтің бүгінгі отырысында.

Оның айтуынша, былтыр Ақтау, Қостанай, Ақтөбе мен Орал әуежайларының қызмет көрсету сапасы тексерілсе, биыл Қарағанды, Семей мен Қызылорда әуежайларына баға беріледі.

Әрбір әуежайды тексеруге 6 айдай уақыт кетеді.