Қазақстанның сыртқы саудасы 8% ға жуық өсті

АСТАНА, 8 шілде – Sputnik. 2026 жылдың қаңтар-сәуір айларының қорытындысы бойынша Қазақстанның сыртқы сауда айналымы 44,9 млрд долларға жетті, деп хабарлады Ұлттық статистика бюросы.

Бұл өткен жылдың сәйкес кезеңімен салыстырғанда номиналды түрде 7,9% артқан.

Экспорт көлемі 24 млрд, ал импорт көлемі 20,9 млрд доллар болды. Қазақстанға тауар жеткізуші ірі елдердің қатарында:

Ресей (6,6 млрд $), Қытай (6 млрд $),

Германия (1 млрд $),

АҚШ (0,9 млрд $),

Оңтүстік Корея (0,5 млрд $) болды.

Қазақстан экспортының негізгі бағыттары:

Қытай (4,9 млрд $),

Италия (4 млрд $),

Ресей (2 млрд $),

Түркия (1,7 млрд $),

Өзбекстан (1,4 млрд $) елдері болды.

"2026 жылғы қаңтар-сәуір айларындағы көрсеткіштер Қазақстанның сыртқы саудасында оң динамиканың сақталғанын және негізгі халықаралық серіктестермен тауар айналымының тұрақты өсіп келе жатқанын көрсетеді", - децді бюро сарапшылары.