Қазақстанның төрт облысында өңделген сүт өндірісі артты

АСТАНА, 28 қыркүйек – Sputnik. Қазақстанда өңделген сүт өндірісі артты, деп хабарлады Ұлттық статистика бюросы.

2026 жылғы қаңтар-тамыз айларында Қазақстанда 441,3 мың тонна өңделген сүт өндірілді. Бұл 2025 жылдың сәйкес кезеңімен салыстырғанда 0,2%-ға артық (440,5 мың тонна).

"Осы кезеңде өндірістің ең жоғары көлемі Солтүстік Қазақстан (120,8 мың тонна), Ақмола (96,2 мың тонна), Алматы (64,7 мың тонна) және Қостанай (43,0 мың тонна) облыстарында тіркелді", - деп жазылған хабарламада.

Статистика мамандарының мәліметінше, 2025 жылдың қорытындысы бойынша елде 671,0 мың тонна өңделген сүт өндірілді. Бұл 2024 жылмен салыстырғанда 6,2%-ға артық.

"2026 жылғы қаңтар-шілде айларында өңделген сүт экспорты 2,9 мың тоннаны құрады, бұл 2025 жылдың сәйкес кезеңімен салыстырғанда 3,0%-ға жоғары (2,8 мың тонна)", - дейді Ұлттық статистика бюросында.

Экспорттың негізгі бағыттары Ресей (2,24 мың тонна), Өзбекстан (307,9 тонна) және Тәжікстан (194,0 тонна) болды.