Қажылыққа барамыз деген қазақстандықтар 60 млн теңгеден айырылды сот үкімі шықты

АСТАНА, 13 тамыз – Sputnik. Астанада жалған қажылық ұйымдастырғандар сотталды, деп хабарлайды Sputnik Қазақстан.

Қаланың екі тұрғыны Instagram-да Мекке мен Мәдинаға қажылық сапарын ұйымдастыруды кеңінен жарнамалаған. Олардың уәдесіне 37 азамат сеніп, барлығы жалпы көлемі 60 млн теңгені аударған. Ал қылмыскерлер ол ақшаны өздеріне жұмсаған.

Сот үкімімен екеуі де 4 жыл мерзімге бас бостандығынан айырылды.

Жәбірленушілерге материалдық залалды өндіру туралы азаматтық талап та орындалуы шарт.

Үкім заңды күшіне енген жоқ.

*Мета (Facebook және Instagram) қызметіне Ресейде экстремистік деп тыйым салынған.