ҚазМұнайГазда КҚК бойынша арнайы өкіл ауысты

Ұлттық компания «ҚазМұнайГазда» кадрлық өзгерістер болды. Каспий құбыр консорциумы (КҚК) бойынша КМГ-нің арнайы өкілі болып Бауыржан Балжанов тағайындалды, деп хабарлайды Petrocouncil.kz. 

Ол бұл қызметте Данияр Берлібаевты алмастырды.

Бауыржан Балжанов 2019 жылдан 2026 жылдың наурызына дейін «ҚазМұнайГаздың» сатып алу және жабдықтау департаментін басқарған.

Ол Атырау мұнай және газ университетін «Мұнай және газ геологиясы» мамандығы бойынша тәмамдаған, MBA дәрежесі бар.

Еңбек жолын 1996 жылы инженер-геолог ретінде бастаған.

1996–2000: «Гюрал» БК және «ҚазақОйл-Ембі» компанияларында инженерлік қызметтер атқарған.2001–2012: «Ембімұнайгаз» және «ҚазМұнайГаз Барлау Өндіру» құрылымдарында басшылық қызметтерде болып, қазынашылық және мұнай экспортына жауап берген.2012–2015 жылдары ұлттық компанияның Румыниядағы активтерінде халықаралық тәжірибе жинады — The Rompetrol Group-та логистика тобының директоры, сондай-ақ KMG-Kashagan B.V.-де коммерциялық директор болып жұмыс істеген.2015–2019: «Ембімұнайгаз» АҚ басқарма төрағасының орынбасары қызметін атқарған.

Бүгін, 13:49