Қоғам қайраткерлеріне жаңа Конституцияның арнайы басылымы табысталды

Іс-шара барысында Премьер-министрдің орынбасары – Мәдениет және ақпарат министрі Аида Балаева жаңа Конституция елімізде соңғы жылдары жүргізіліп келе жатқан саяси және қоғамдық реформалардың заңды жалғасы екенін айтты.

Мемлекет басшысы жаңа Конституцияны қабылдауға журналистердің қосқан үлесін жоғары бағалады

Оның сөзінше, құжаттың маңызы тек құқықтық нормалармен шектелмейді. Конституцияда мәдениет, ғылым және білім салалары маңызды конституциялық құндылықтар ретінде айқындалған. Сонымен қатар ұлттық мәдени мұраны сақтау мен қорғау мемлекет міндеттерінің бірі ретінде бекітілген.

Аида Балаева жаңа Конституцияның негізінде Мемлекет басшысы ұсынған «Әділетті Қазақстан», «Заң мен тәртіп», «Адал азамат» және «Таза Қазақстан» қағидаттары жатқанын атап өтті.

Кездесу барысында отбасы институтын қорғауға қатысты құқықтық кепілдіктердің күшейтілгені және қоғам үшін маңызды құндылықтардың жаңа деңгейде қамтылғаны айтылды.

Жұмысшылар құқығы: Жаңа конституцияның мүмкіндіктері

Айта кетейік, Қазақстанның жаңа Конституциясы биыл 15 наурызда өткен республикалық референдумның қорытындысы бойынша қабылданған. Құжат 2026 жылғы 1 шілдеден бастап ресми түрде күшіне енеді.