Қостанай облысында алаяқтар рәсімдеген 200 ге жуық кредит бойынша төлем тоқтатылды

АСТАНА, 17 мамыр – Sputnik. Қостанай облысында алаяқтардан зардап шеккендердің құқықтарын қалпына келтіру үшін екінші деңгейлі банктер жыл басынан бері жалпы сомасы 485 миллион теңге болатын 198 кредит бойынша төлемді тоқтатты, деп хабарлады облыстық прокуратура.

Сонымен қатар сот тәртібімен 318 дропперден негізсіз баю есебінен 388 миллион теңге өндірілді.

"Алаяқтық жасағаны үшін 39 адам, дропперлік жасағаны үшін 3 адам қылмыстық жауаптылыққа тартылды", - деп жазылған хабарламада.

Қабылданған шаралар нәтижесінде өңірде алаяқтық 21,1%-ға (795-тен 625-ке дейін), оның ішінде интернет-алаяқтық 16,1%-ға (653-тен 517-ге дейін) төмендеген.