Қырғызстанда шетел азаматтарының елде болу тәртібі өзгерді

Ведомство атап өткендей, қабылданған өзгерістер көші-қон үдерістерін реттеуге, шетел азаматтарының елде заңды түрде болуын жеңілдетуге, сондай-ақ елге кіру мен болудың айқын, ашық әрі икемді шарттарын қалыптастыруға бағытталған.

Атап айтқанда, этникалық қырғыздар мен олардың отбасы мүшелерінің құқықтық мәртебесін реттейтін арнайы норма енгізілді.

Оған сәйкес, бұрын белгіленген мерзімнен асып кеткен және қажетті рұқсат құжаттарын уақытында рәсімдемеген тұлғаларға Қырғызстан аумағына бір рет кіруге рұқсат беріледі. Олар 30 жұмыс күні ішінде өздерінің құқықтық мәртебесін заңдастыруға мүмкіндік алады.

Осыған байланысты министрлік шетел азаматтары мен қабылдаушы тарапты Қырғызстан аумағында болу мерзімдерін қатаң сақтауға және жаңа өзгерістерді елде болуды жоспарлау кезінде ескеруге шақырады.

Қаулы ресми жарияланған күннен бастап он күн өткен соң күшіне енеді.

Осыдан бұрын 2025 жылы шетелге жұмыс істеу үшін шамамен 170 мың Қырғызстан азаматы кеткенін жазған болатынбыз.