Қытай сирек кездесетін металдарға қатысты экспорттық бақылау шараларын қорғады

Коммерция министрлігі АҚШ-ты түсініспеушіліктерді өзара құрмет пен тең құқылы консультациялар және пікірталас негізінде дұрыс реттеуге шақырды.

Сауда министрлігінің ресми өкілі мәлімдегендей, Қытай жауапты ірі мемлекет ретінде экспорттық бақылау шараларын заң аясында енгізіп отыр. Бұл шаралар жаһандық бейбітшілікті сақтау, өңірлік тұрақтылықты қамтамасыз ету және халықаралық міндеттемелерді, соның ішінде таратпау қағидаттарын орындауға бағытталған.

«Экспорттық бақылау — бұл экспортқа тыйым салу емес», — дей келе министрлік өкілі тиісті талаптарға сай өтінімдерге лицензия берілетінін атап өтіп.

Оның айтуынша, Қытай тиісті шараларды жариялар алдында экспорттық бақылауға қатысты екіжақты диалог тетіктері арқылы мүдделі елдер мен өңірлерді хабардар еткен.

Министрлік өкілі Қытайдың басқа елдермен экспорттық бақылау мәселелері бойынша диалог пен пікір алмасуды жандандыруға дайын екенін, бұл жаһандық өндірістік және жеткізу тізбектерінің қауіпсіздігі мен тұрақтылығын қамтамасыз етуге сеп болатынын айтты.

АҚШ-тың Қытай тауарлары мен барлық маңызды деген бағдарламалық қамтамасыз етудің экспорттық бақылау шараларына және 100 пайыздық баж салығын енгізуге қатысты пікір білдірген Қытайдың Коммерция министрлігінің өкілі АҚШ-тың ұзақ уақыт бойы ұлттық қауіпсіздік тұжырымын асыра сілтеп, экспорттық бақылау шараларын теріс қолданып, Қытайды алалаушы әрекеттерге барғанын атап өтті.

«АҚШ Қытайға қатысты кемсітушілік сипаттағы қадамдар жасап, жартылай өткізгіш жабдықтар мен чиптер секілді өнімдерге қатысты «ұзын қол юрисдикциясын» заңсыз қолданды», — деді ол.

Министрлік өкілінің айтуынша, биыл қыркүйекте Мадридте өткен Қытай-АҚШ сауда-экономикалық келіссөздерінен кейін бар-жоғы 20 күн ішінде АҚШ Қытайға қарсы жаңа шектеу шараларын енгізген. Бұл оның айтуынша, Қытай мүдделеріне айтарлықтай нұқсан келтіріп, екіжақты келіссөздердің жағдайын нашарлатқан.

«Қытаймен қарым-қатынаста жоғары кедендік тарифтермен қорқыту дұрыс тәсіл емес. Біздің ұстанымымыз өзгермейді, Қытай тарифтік соғысты қаламайды, бірақ одан қорықпайды да», — деді ол.

Қытай АҚШ-ты өз қателігін дереу түзетіп, екі ел басшылары арасындағы телефон арқылы қол жеткізілген уағдаластықтарды сақтауға, консультациялар нәтижесін қорғауға және тең дәрежедегі диалог арқылы келіспеушіліктерді шешуге шақырды.

«Егер АҚШ қате бағыттан таймаса, Қытай өз заңды құқықтары мен мүдделерін қорғау үшін батыл шаралар қабылдайды», — деп түйіндеді ҚХР Сауда министрлігінің ресми өкілі.

Осыған дейін АҚШ-тың Қытай тауарларына 1 қарашадан бастап 100% баж салығын енгізетіні туралы жаздық.