Қытайда электромобильдерге арналған қуаттау құрылғыларының саны 21 млн нан асты

Биылғы жылдың ақпан айының соңына қарай елдегі қуаттау құрылғыларының жалпы саны 21,01 млн бірлікке жетіп, өткен жылмен салыстырғанда 47,8 пайызға артты. Бұл туралы Қытайдың Мемлекеттік энергетика істері жөніндегі басқармасы жариялады.

Оның ішінде 4,834 млн құрылғы жалпыға ортақ пайдалануға арналған, бұл көрсеткіш бір жыл ішінде 28,8 пайызға өскен.

Ал жеке пайдалануға арналған қуаттау құрылғыларының саны өткен айдың соңында 16,176 млн болып, жылдық өсім 54,6 пайыз болды. Бұл елді мекендерде мұндай құрылғыларға сұраныстың айтарлықтай артқанын көрсетеді.

Ұлттық қуаттау инфрақұрылымын мониторингтеу және қызмет көрсету платформасында жарияланған деректер Қытайда электромобильдерге арналған қолдау желісінің кеңеюі жалғасып жатқанын айқындайды. Бұл, өз кезегінде, электромобильдер сатылымының күрт өсуімен байланысты.

Қытай автомобиль өндірушілер қауымдастығының мәліметінше, 2025 жылы жаңа энергия көздеріндегі көлік құралдарының өндірісі мен сатылымы айтарлықтай өсті. Атап айтқанда, өндіріс көлемі 16,626 млн, ал сатылым 16,49 млн бірлікті құрап, тиісінше 29 пайызға және 28,2 пайызға артқан.

2025 жылдың қазан айында Қытай елдегі электромобильдерге арналған қуаттау инфрақұрылымын дамытуға бағытталған үш жылдық іс-қимыл жоспарын жариялады. Құжатқа сәйкес, 2027 жылдың соңына қарай елде жалпы саны 28 млн қуаттау құрылғысынан тұратын, жалпы қуаты 300 млн кВт-тан асатын ұлттық желі құру көзделіп отыр. 

Айта кетелік ЕО-ның Қытайдан көлік импорты алғаш рет экспорттан көп болған еді.