Қытайда теңіз бетіне салынған күн электр станциясы пайдалануға берілді

Қытай теңіз бетіне салынған әлемдегі ең ірі күн электр станциясын пайдалануға берді. Құрлықтағы жер тапшылығы мен энергияға сұраныс қатар артқан кезеңде бұл жоба – «күн қуатын» жаңа кеңістікке, яғни ашық су айдынына шығарған ауқымды жоба болып отыр, деп хабарлайды Egemen.kz.

Аумағы 1200 гектарға жететін алып кешеннің жылдық қуаты 1 гигаватт. Инженерлер теңіз бетіне 3 мыңға жуық фотоэлектрлі панельдік модуль орнатқан. Нәтижесінде энергия өндіру тиімділігі бірнеше есе артқан.

Бір қарағанда, су үстіне панель орнату техникалық тұрғыдан тым күрделі шаруа секілді. Өйткені теңіз – тұрақсыз орта, яғни толқын, тұзды су, жел, тайфун қаупі, коррозия, қауіпсіздік мәселесі бар. Бірақ дәл осы «қиындық» Қытай инженерлерін жаңа шешім табуға жетелегендей. Құрылыс кезінде жойқын тайфундарға төтеп беретін арнайы тәсіл қолданылған. Ал теңіз суы панельдерді табиғи түрде салқындатып, шамадан тыс қызудан қорғайды.

Соңғы жылдары әлемнің көптеген елінде күн энергетикасы қарқынды дамып келеді. Дегенмен күн панельдерін кең көлемде орналастыру үшін үлкен аумақ қажет. Қала маңында жер бағасы қымбат, ауыл шаруашылығы алқабын қысқарту да оңай шешім емес. Осы тұста су беті – бұрын назардан тыс қалып келген «кеңістік». Қытайдың теңіздегі станциясы бұл бағыттың енді тек тәжірибе емес, ірі өндірістік деңгейге өткенін аңғартады.

Жобаның ерекшелігі – теңіз үстіндегі инженерлік құрылымның төзімділігі мен тиімділігі қатар ойластырылғаны. Теңізде панельді жай ғана қалқытып қою жеткіліксіз. Әр бөлшек жел жүктемесіне, толқын соққысына, тұзды ортаға шыдауы керек. Сондықтан мұндай нысан – бір мезетте энергетика, кеме жасау, құрылыс және материалтанудың тоғысқан тұсы.

«Су түбіндегі қадалар инновациялық технологиямен орнатылды. Фотоэлектрлі панельдердің ені 35, ұзындығы 60 метр болады. Біз оларды 15 градус қиғаш орнаттық. Бұл тәсіл жойқын теңіз дауылдарына төтеп беру үшін жасалды. Сондай-ақ қаңқасына жұмсалатын болат темірді 10 пайызға дейін үнемдеуге мүмкіндік берді. Дәл осы тәжірибе ендігі жобаларда жаппай қолданылады», деді Күн электр станциясы басшысының орынбасары Чжан Бо.

Соңғы жаңалықтар

240 мыңнан астам ұстаз ЖИ бойынша білім алды

Білім • Бүгін, 17:11

Қытайда теңіз бетіне салынған күн электр станциясы пайдалануға берілді

Ғалам ғажаптары • Бүгін, 17:03

Қазақстан теміржол паркі жаңарады: 2026 жылы 91 жаңа вагон қолданысқа беріледі

Оқиға • Бүгін, 16:55

Ақтоғай ауданында жаңа медициналық пункт пайдалануға берілді

Аймақтар • Бүгін, 16:43

Қысқы Олимпиадада Қазақстанның туын кімдер ұстап шығады?

Спорт • Бүгін, 16:25

Биыл Президент тапсырмасымен 141 мектеп ашылды

Білім • Бүгін, 16:16

Димаш Құдайберген 2025 жылғы Чехия хит-шеруінің жеңімпазы атанды

Мәдениет • Бүгін, 16:00

Ғалымжан Кенжебек «Елімай» клубындағы мансабын аяқтады

Футбол • Бүгін, 15:55

Автокөліктерді қай өңір көбірек өндірді?

Экономика • Бүгін, 15:33

Мереке күндері ауа райы 15 градусқа дейін жылынады

Ауа райы • Бүгін, 15:29

1 қаңтардан бастап елімізде не өзгереді?

Қоғам • Бүгін, 15:18

Qarmet-те жаңа буындағы Ахуал орталығы іске қосылды

Аймақтар • Бүгін, 15:07

Мария Хаджиева қызметінен босатылды

Қоғам • Бүгін, 15:02

Алматыда тегін ем-дом жүргізілетін кеселдердің тізімі ұлғайды

Медицина • Бүгін, 15:00

Астанада жүргізушісіз таксилер пайда болады

Елорда • Бүгін, 14:51

Барлық жаңалықтар