Қытайлық BYD дің IV тоқсандағы таза пайдасы болжамнан 38% ға төмен болды

Қытайлық жаңа энергия көздеріне негізделген көлік өндіруші BYD Co., 2025 жылдың төртінші тоқсанында таза пайдасын 38%-ға қысқартып, 9,3 млрд юаньға ($1,3 млрд) дейін төмендетті.

Visible Alpha сарапшыларының консенсус-болжамы бойынша бұл көрсеткіш 12,3 млрд юань болады деп күтілген.

BYD-тің тоқсандық түсімі 14%-ға азайып, 237,7 млрд юаньды құрады, бұл да нарықтың орташа болжамынан (261,9 млрд юань) сәл төмен болды.

Компанияның 2025 жыл қорытындысы бойынша таза пайдасы 32,6 млрд юаньға дейін қысқарды (бір жыл бұрын – 40,3 млрд юань). Ал жылдық түсім 777,1 млрд юаньнан 804 млрд юаньға дейін өсті.

BYD 2025 жылы шамамен 2,26 млн электр көлігін сатып, осы сегменттегі әлемдік сатылым көлемі бойынша америкалық Tesla компаниясын (1,64 млн көлік) басып озды.

Жалпы алғанда, BYD өткен жылы 4,6 млн NEV сатты, бұл 2024 жылғы көрсеткіштен 7,7%-ға жоғары.