Қызылордада жасөспірімдердің қатысы бар қылмыс 7,1% ға азайды

Облыстық полиция департаментінің мәліметінше, 2026 жылдың алғашқы тоқсанында жасөспірімдердің қатысуымен жасалған қылмыстар саны 7,1%-ға төмендеген. 

- Жыл басынан бері кәмелетке толмағандар мен жастар арасындағы құқықбұзушылықтың алдын алу бағытында «Жасөспірім», «Балалар түнгі қалада» атты профилактикалық іс-шаралар өткізілді. 

3164 құқықбұзушылықтың жолы кесіліп, қаңғыбастық пен кезбелікке бейім 71 жасөспірім арнайы бейімдеу орталықтарына орналасты. 

2039 жасөспірімнің түнгі уақытта заңды өкілдерінсіз жүргені анықталса, 100-ден астам кәсіпкер кәмелетке толмағандардың түнгі уақытта ойын-сауық орындарында болуына жол берген, - делінген хабарламада. 

Бұған дейін Оқу-ағарту министрлігі елімізде кәмелетке толмағандардың істері және олардың құқықтарын қорғау жөніндегі комиссиялардың қызметіне қатысты жаңа ережелер күшіне енгенін хабарлады.