Жыл басынан бері қылмыс 10% ға азайды

АСТАНА, 4 шілде – Sputnik. 2026 жылдың бірінші жартыжылдығының қорытындысы бойынша Қазақстанда қылмыс деңгейі 10%-ға төмендеді. Бұл туралы Ішкі істер министрлігіндегі кеңейтілген алқа отырысында айтылды, деп хабарлайды Polisia.kz.

Бұл көрсеткіш қылмыстың барлық негізгі санаты бойынша төмендеген.

"Алдын алу шараларының нәтижесінде бұрын сотталған адамдармен, кәмелетке толмағандармен, алкогольдік масаң күйде, сондай-ақ қоғамдық орындар мен тұрмыстық-отбасылық салада жасалған қылмыстардың саны азайды. Жүйелі профилактикалық жұмыстың нәтижесінде мүліктік қылмыстар да төмендеді. Ұрлық саны 16,4%-ға, мал ұрлығы 15,8%-ға қысқарды", - деп жазылған хабарламада.

Министр Ержан Сәденов ішкі істер органдары жұмысының тиімділігін одан әрі арттыру қажет екенін атап өтті. Басшыларға жұмыс нәтижесі үшін жеке жауапкершілік жүктеліп, анықталған олқылықтарды жедел жою және басқару тиімділігін арттыру тапсырылды.