Рамзан Қадыров Шешенстан басшысы сайлауына түсуге мәжбүр екенін мәлімдеді

Фото: Instagram желісіндегі @kadyrov95_ ресми парақшасынан

РИА «Новости» агенттігінің таратқан мәліметіне сүйенсек, Қадыров өз сөзінде халықтың қолдауынан үмітті екенін жеткізген.

«Шынымды айтсам, сайлауға түсіп жатқаныма қуанышты емеспін. Егер менен сұраса, мен басқа үміткерді таңдар едім. Себебі бұл – өте зор жауапкершілік, оның қаншалықты күрделі міндет екенін жақсы білемін. Республикаға көп еңбек сіңірілді. Бүгінде бізде мықты команда қалыптасты, ол үйлесімді жұмыс істеп жатыр. Сондықтан қазір сайлауға белгілі бір дәрежеде амалсыз түсіп отырмын. Халық қолдау көрсететініне сенімдімін. Егер халық қолдаса, мен оған қызмет етуге дайынмын», деді Рамзан Қадыров.

Ол сондай-ақ өз командасының халық үшін бұған дейін атқарылған және қолдарынан келетін нәтижелі істерді әрі қарай да жалғастыра беретінін атап өтті.

Рамзан Қадыров Дәурен Абаевқа алғыс айтты

Қазір Рамзан Қадыров 49 жаста. Ол – Шешенстанның тұңғыш президенті Ахмат Қадыровтың ұлы. Өңірді 2007 жылғы 5 сәуірден бері басқарып келеді.

Еске сала кетейік, бұған дейін Рамзан Қадыров 20 жастағ үлкен ұлы Ахматты вице-премьер етіп тағайындағанын хабарлаған едік.