Ресей Ақтаудағы ұшақ апатын тергеуде Қазақстанмен тығыз байланыста РФ СІМ

АСТАНА, 30 желтоқсан — Sputnik. Ресей Ақтаудағы Azerbaijan Airlines (AZAL) ұшақ апатын тергеуде Қазақстанмен байланыста, деп хабарлады Ресей сыртқы істер министрінің орынбасары Михаил Галузин РИА Новостиге берген сұхбатында.

"Апаттың барлық мән-жайы бойынша халықаралық тергеуді Қазақстан Республикасы көлік министрлігі жанынан құрылған арнайы комиссия жүргізіп жатыр. Ресей тарапы бұл органмен тығыз байланыста және оған барлық қажетті көмекті көрсетіп жатыр. Ресей авиация билігі қазақстандық әріптестерінен келіп түскен барлық сауалға жауап берді", - деді Галузин агенттікке.

Бұған дейін Қазақстанның көлік министрлігі тергеу туралы аралық есеп жариялаған болатын.

Еске салайық, Бакуден Грозныйға ұшып бара жатқан AZAL Airlines компаниясының Embraer 190 жолаушылар ұшағы 2024 жылдың 25 желтоқсанында Ақтау қаласының маңында апатқа ұшырады. Бортта 67 адам болды: 62 жолаушы және бес экипаж мүшесі, Әзербайжан, Ресей, Қазақстан және Қырғызстан азаматтары. Отыз сегіз адам көз жұмды.

Ресей президенті Владимир Путин Әзербайжан президенті Ильхам Әлиевпен кездесуінде AZAL ұшағының апатқа ұшырауына аспанда украиналық ұшқышсыз ұшақтың болуы себеп екенін айтты. Ұшақ құлаған күні Ресей Украинаның үш ұшқышсыз ұшағын бақылауда ұстап отырған, олар Ресей шекарасын кесіп өткен.

Ресейдің әуе шабуылына қарсы қорғаныс жүйесі бағыттаған екі зымыран AZAL ұшағына тікелей тимей, бірнеше метр жерде жарылған. AZAL ұшағына оқ-дәрі емес, оның сынықтары түскен болуы мүмкін. AZAL ұшағы экипажына Махачкалаға қонуды ұсынылған, бірақ олар межелі әуежайына жету керек деп шешкен. Ресей AZAL ұшағының апатына байланысты барлық шенеуніктердің әрекетіне құқықтық баға береді.

Ильхам Әлиев Владимир Путинге AZAL ұшағының апатқа ұшырау себептерін тергеуді жеке бақылағаны үшін алғыс айтты.