Ресей мен Армения арасындағы теміржол қатынасы ЕАЭО нарығының мүмкіндігін арттырады

АСТАНА, 10 қараша – Sputnik. Ресей Федерациясы премьер-министрінің орынбасары Алексей Оверчук Әзербайжан мен Грузия арқылы Ресей мен Армения арасында тікелей теміржол қатынасының ашылуына қатысты пікір білдірді.

Ол жаңа бағыт Ресейдің Оңтүстік Кавказ мемлекеттерімен көлік байланысын нығайтатынын, ЕАЭО-ға мүше басқа мемлекеттердің тауарларына армян нарығына қолжетімділікті арттыратынын және армян өндірушілері үшін Одақ нарығына қолжетімділікті жақсартатынын айтты.

"Армения Республикасы тәуелсіздік алғаннан бері алғаш рет біздің елдеріміз арасында тікелей теміржол қатынасы бар. Бұл оқиға Оңтүстік Кавказда бейбітшілік орнатуға қосқан нақты үлес, аймақтық тұрақтылық пен аймақтағы барлық елдің экономикалық дамуы үшін атқарған жұмысымыздың дәлелі", - деді Оверчук.

Оверчук алғашқы жүктің ресейлік астық болуы да жақсы белгі екенін айтты.

Оның пікірінше, бұл Оңтүстік Кавказда бейбітшілік орнатуға және қақтығыстан ынтымақтастыққа көшуге деген ортақ ұмтылысты тағы да көрсетеді.