Мәскеу мен Алматы арасындағы тікелей теміржол қатынасы қалпына келтіріледі

— «Қазақстан темір жолы» компаниясымен келісе отырып, біз Мәскеу мен Алматы арасында тікелей пойыз қатынасын қалпына келтіріп жатырмыз. Пойыздар екі күн сайын қатынайтын болады, — делінген хабарламада.

Кестеге сәйкес пойыздар Алматыдан 26 қазан күні жергілікті уақытпен сағат 20:00–де № 7/8 Алматы-Саратов бағыты бойынша жолға шығады. Олар Мәскеуден 30 қазан күні Мәскеу уақытымен 19:27–де № 85/86 Мәскеу-Дербент пойызымен аттанады.

Жол жүру уақыты шамамен үш жарым күн болады.

Айта кетейік, Алматы мен Мәскеу арасындағы тікелей қатынас 2017 жылы тоқтатылған болатын. 

Біраз уақыт бұрын Олжас Бектенов темір жол жобаларын уақытылы пайдалануға беруді тапсырған еді.