Рютте ядролық қару қолданылған жағдайда НАТО жауап беретінін мәлімдеді

АСТАНА, 21 мамыр – Sputnik. НАТО-ның бас хатшысы Марк Рютте сәрсенбі күні Украинадағы қақтығыс аясында ядролық қару қолданылса, альянстың жауабы "жойқын" болатынын мәлімдеді.

Бұған дейін Ресей Сыртқы істер министрлігінің ерекше тапсырмалар жөніндегі елшісі Андрей Белоусов Мәскеудің Украинада ядролық қару қолдану мүмкіндігін қарастырып жатқаны туралы қауесетті жоққа шығарған болатын.

"Олар (Ресей – ред.) Украинадағы қақтығыс кезінде ядролық қару қолданылса, жауап жойқын болатынын біледі", – деді Рютте журналистердің сұрағына жауап беріп.

Кейінгі жылдары Ресей НАТО-ның батыс шекаралары маңындағы белсенділігі бұрын-соңды болмаған деңгейге жеткенін бірнеше рет атап өтті. Мәскеу альянстың Еуропадағы күштерін күшейтіп жатқанына алаңдаушылық білдіріп келеді. Кремль Ресей ешкімге қауіп төндірмейтінін, алайда өз мүдделеріне қауіп төндіруі мүмкін әрекеттерді назардан тыс қалдырмайтынын мәлімдеген.