Сапасыз құрылыс: Ақтөбеде жаңа үйлерді бұзу жұмыстары басталды

Бұл үйлердің тарихы 2019 жылы басталған. Пәтерлер көпбалалы отбасылар мен тұрғын үйге мұқтаж азаматтарға берілген болатын. Алайда көптен күткен қоныс тойдың қуанышы ұзаққа созылмады.

Тұрғындар көп ұзамай қабырғалардағы жарықшақтар мен құрылыс конструкцияларының бүлінгендігін айтып шағымдана бастады. Ал 2023 жылы бұл ғимараттар толықтай апатты деп танылды. Соның салдарынан отбасыларды шұғыл түрде басқа жерге көшіруге тура келді.

2030 жылға дейін Астанадағы 197 апатты үйдің мәселесі шешіледі

Кейінірек құрылыс компаниясының өкілдері мен техникалық қадағалау мамандары алаяқтық жасағаны үшін сотталды. Сондай-ақ олар мемлекетке келтірілген шығынды өтеуге міндеттелді.

Осылайша қолжетімді тұрғын үйдің символына айналуы тиіс болған  үйлердің орынын экскаваторлар тегістеп жатыр.