Сарапшы: Ата заң асығыс жазылған жоқ

Egemen.KZ парақшасынан алынған деректерге сүйене отырып, Qazaq24.com жаңалық жариялайды..

Елдің іргелі құндылықтары мен бағыттарын айқындайтын бас құжаттың жаңа жобасын қоғам белсенді талқылап жатыр. Ата заңды өзгертуге қатысты алып-қашпа әңгімелер мен дәйексіз деректер де аз болған жоқ. Сарапшы, экономист Айдархан Құсайынов жұрттың санасын сан-саққа жіберген сауалдарға жауап берді, деп жазады Egemen.kz.

Конституцияның жаңа жобасын тым қысқа уақытта жасап шықты деп сенімсіздік білдіргендер жоқ емес. Сарапшының сөзінше, бұл жаңсақ пікір. Себебі Ата заңмен жұмыс жарты жылға созылды. Бұл, шынында, жобаны әзірлеуге жеткілікті уақыт.

Жаңа Конституцияны қолдайтын Жалпыұлттық Коалиция құрылды

«Конституцияны «үш жыл немесе он жыл» жазу керек деп еш жерде жазылмаған. Қолданыстағы құжат бар, заң, заңнама, сот тұрғысынан тәжірибе де толымды. Ата заңмен жұмыс істеп жатқан мамандар – заңгерлер, саясаттанушылар, саясаткерлер, қоғам қайраткерлері, бейінді ғалымдар. Қысқасы, қатысқандардың бәрі қолданыстағы құжаттың осал жерлерін бұрыннан білетін, түсінетін жандар. Ал маман еместер үшін Конституция – қол дірілдеп, «қоймадан» шығаруға жарты жыл жұмсайтын, сосын тағы үш жыл бойы «ішінде жасырынған киелі мағыналарды» тереңнен зерттеуге тиіс қасиетті жәдігердей көрінетін шығар», деді А. Құсайынов.

Конституция – кемел келешек кепілі

Сарапшының айтуынша, Конституция – барлық заңдар мен нормативтік актілерден жоғары тұратын тұжырымдамалық құжат. Осы себепті тең немесе тіпті жоғары тұрған нормативтік құжаттардың тұтас желісімен келісуді талап ететін операциялық құжаттарға қарағанда, онымен жұмыс істеу жеңілірек. Бір жағынан, бас құжат өте сирек қайта қаралады.

«Тағы бір айта кететін жайт, әркімнің жеке пікірі бар екені түсінікті. Бірақ Ата заңды жазу үдерісі, оның ережелері, Ата заңның өзі де, ақиқатын айтқанда, әрбір адамның жеке пікірін ескеруге міндетті емес. Бұл кәсіби тәсілді талап ететін заңды құжат», дейді сарапшы.

Вице-президент: Әлемдік тәжірибе нені дәлелдеді?

Құжат жобасы көпшілік назарына ұсынылды. 15 наурызда өтетін референдумда саналы таңдау жасауға мүмкіндік бар. Сарапшының пайымдауынша, дәл осы жерде кімнің дауыс беріп, азаматтық жауапкершілік танытатыны, ал кімнің жай ғана наразы болып, құр сөзбен шектелетіні анық көрінеді.

Соңғы жаңалықтар