Сәтпаевтың Челси сапындағы голынан кейін Қазақстан азаматтары үздік жанкүйер атанды

Фото: Sports.kz

«Маусым алдындағы дайындық кезінде біз әлемдегі ең мықты беймәлім жанкүйерлер қауымдастығының бірін таптық. Бұл – Бразилия да, Норвегия да, Аргентина да емес. Бұл – Қазақстан. Сәтпаев қақпа алдында допты қабылдап, жылдамдығын қосып, екі қорғаушыны артта қалдырды. Кейін «Вестерн Сидней» қақпашысы Джордан Холмспен бетпе-бет келіп, допты торға тоғытты. Бірақ дәл осы сәттен кейін бүкіл әлем қазақ жанкүйерлерінің күшін көрді. Эссугудың голы жарияланған жазба 200 мың лүпіл жинады, Гиттенстікі – шамамен 177 мың, Жоау Педроныкі – 160 мың. Ал Сәтпаевтың голы жарияланған жазба 800 мың лүпіл жинады. Бұл жерде әңгіме бір, екі немесе он мың пікір жайлы емес – пікір саны 200 мыңға жетті. Оның басым бөлігін Қазақстаннан жазған жанкүйерлер қалдырды. Хаби Алонсо, осындай қарқынмен Сәтпаевты негізгі құрамға қосуға тура келеді. Өйткені онымен бірге әлемдегі ең үздік жасырын жанкүйерлер қауымдастығының біріне ие боласың», деді парақша авторы.

Хаби Алонсо Дастан Сәтпаевқа жоғары баға берді

Sports.kz мәліметінше, кейінірек бұл көрсеткіш одан әрі өсті. «Челсидің» ресми парақшасында жарияланған Сәтпаев голының видеосы бір миллионнан астам лүпіл жинап, 370 мыңнан аса пікірге ие болды. Пікірлердің басым бөлігін қазақ қолданушылары қалдырған. Шетелдік бұқаралық ақпарат құралдары да жас шабуылшыға тұтас бір елдің жаппай қолдау көрсеткеніне ерекше назар аударды.

Дастан Сәтпаев жолдастық кездесудің 7-минутында Райан Кавума-Маккуиннің нәтижелі пасынан кейін қақпашымен жеке-дара шығып, есеп ашты. «Челси» қарсыласын 6:4 есебімен жеңді. Ал отандасымыздың нәтижелі соққысы Хаби Алонсо бас бапкер болғаннан кейінгі команданың алғашқы голы ретінде тіркелді.

Дастан Сәтпаев «Челси» сапындағы алғашқы голын соқты