Сауд Арабиясы өлім жазасына кесілгендер саны бойынша рекордын жаңартты

Биыл Сауд Арабиясында кемінде 347 адам өлім жазасына кесілген, деп хабарлайды Arasha.kz.

Бұл көрсеткіш 2024 жылғы көрсеткіштен де жоғары (ол кезде жазаланғандар саны 345 болған) деп жазды британиялық Reprieve құқық қорғау ұйымы.

Елдегі өлім жазасының орындалуын бақылайтын құқық қорғаушылардың айтуынша, өткен жыл мониторинг басталғалы бері корольдік тарихындағы «ең қанды жыл» болды. Сауд Арабиясында соңғы болып «есірткі қылмысы үшін» сотталған Пәкістан азаматтары өлім жазасына кесілді.

Айта кететін жайттар:

Үкімдердің 50%-дан астамы «есірткіге қатысты баптармен» байланысты.

Өлім жазасына кесілгендердің жартысынан көбі — шетелдіктер.

Жазаланғандардың арасында бір журналист, екі кәмелетке толмаған бала және бес әйел бар.

Сауд Арабиясының билігі BBC-дің өлім жазасының көбеюі туралы сауалына жауап берген жоқ. Reprieve ұйымының өкілдері жергілікті сот жүйесінде азаптау мен кінәні мойындату үшін күш көрсету әдеттегі тәжірибеге айналғанын айтады.

БҰҰ болып жатқан оқиғаларды халықаралық нормалар мен стандарттарға қайшы деп атады.

Басқа елдердегі жағдай:

Желтоқсан айының басында Ауғанстанда талибтер жасөспірімді көпшіліктің көзінше бір адамды өлім жазасына кесуге мәжбүрледі. Ауған баласы өз отбасының 13 мүшесін өлтірді деп айыпталған адамды ондаған мың адамның алдында атып тастады.

Жақында Қырғызстанның Конституциялық соты Садыр Жапаровтың өлім жазасын қайта енгізу туралы бастамасын қабылдамай тастады.