Серуенге кедергі көп. Астанадағы Мыңжылдық аллеясының қазргі көрінісі қандай?

Tengrinews.KZ парақшасынан алынған деректерге сүйене отырып, Qazaq24.com хабарлама жасады..

Редакция Мыңжылдық аллеясын абаттандыру барысын бақылауда ұстауға уәде берген болатын. Арада тура төрт ай өткен соң Астананың осы бөлігіне қайта оралып, сол уәдені орындап отырмыз.

Tengrinews.kz тілшілері бұл ауқымды жобаның қай сатыда екенін тексеру үшін Қуанышбаев атындағы театрдан бастап теміржол вокзалына дейінгі бүкіл бульварды аралап шықты және бұның неге маңызды екенін түсіндіреді.

Біздің бағытымыз Қалибек Қуанышбаев атындағы Қазақ мемлекеттік академиялық музыкалық драма театрының жанынан басталады. Мыңжылдықтың бұл бөлігі заманауи урбанистика туралы буклетке арналғандай әсер қалдырады.

Мыңжылдық аллеясы. Фото: ©️ Tengrinews.kz / Нұрлан Алжабаев

Тура төрт ай бұрын, 28 мамырда бұл аумақ мүлдем басқаша болатын. Біздің әріптестеріміз өткен жолы мұнда түсірілім жасағанда, театр маңындағы абаттандыру жұмыстары жаңадан басталған еді: аумақ үлкен құрылыс алаңына ұқсайтын, ал аллеяның болашақ бейнесін тек эскиздер арқылы ғана елестетуге болатын.

2026 жылы мамырдағы Қуанышбаев атындағы театр жанындағы Мыңжылдық аллеясын абаттандыру жұмыстары. Фото: ©️ Tengrinews.kz / Роман Павлов

Қазір бұл бүкіл аллеяның көпшлік ең күткен бөлігі деуге болады.

Қуанышбаев атындағы театр маңындағы Мыңжылдық аллеясына жоғарыдан көрініс. Фото: ©️ Tengrinews.kz / Нұрлан Алжабаев

Әзірге біз елордадағы бұл аумаққа неге соншалықты көңіл бөліп отырғанымызды айтып берейік.

Мыңжылдық аллеясы - Астанадағы ең ұзаққа созылған әрі күрделі урбанистік жобалардың бірі.

Анықтама: Оны 2018–2019 жылдары қаланың жаңа жасыл желегі әрі елорданың орталық осінің жалғасы ретінде көпшілікке таныстыра бастаған еді. Жоспар бойынша, бұл Пирамидадан бастап "Нұрлы жол" вокзалына дейінгі алты шақырымдық саябақ-бульвар болуы тиіс еді.

Аллеяның алғашқы сызбаларының бірі

Оған аз қаржы жұмсалмаса да, жоба өте ұзақ уақыт бойы жүзеге асырылмай келді. Сондықтан оның барысын бақылап отыру маңызды.

Егер қыркүйектегі түсірілімді бастаған жерімізге қайта оралсақ, тағы да көптеген өзгерістерді байқауға болады. Енді бұл учаске толыққанды серуендеу аймағына айналған. Бұл ретте эстетиканы сақтау жұмыстары үздіксіз жүргізіліп жатыр. Жап-жасыл көгалдарда шөп шабатын машиналары бар коммуналдық қызметкерлерді жиі көруге болады.

Фото: ©️ Tengrinews.kz / Нұрлан Әлжабаев

Түсірілім кезінде мұнда адам қарасы қалың болды: аллеяда арба итерген аналар, жастар және маңайдағы үйлердің тұрғындары серуендеп жүр.

Фото: ©️ Tengrinews.kz / Нұрлан Әлжабаев

Жол жиектеріне сәнді гүл құмыралары, қара таспен қапталған ерекше субұрқақтар, арқалығы ыңғайлы етіп жасалған ауқымды ағаш орындықтар қойылған.

Фото: ©️ Tengrinews.kz / Нұрлан Әлжабаев

Осы орындықтарда астаналықтар жылы күндердің рақатын көріп жүр. Түсірілім күні Астанада күн шуақты тамаша ауа райы орнады.

Фото: ©️ Tengrinews.kz / Нұрлан Әлжабаев

Жергілікті тұрғындар үшін мұнда шынымен де жайлы жағдай жасалған сияқты.

Фото: ©️ Tengrinews.kz / Нұрлан Әлжабаев

Бірақ аллеяның бұл бөлігіндегі басты тартымды орын - булы субұрқақ. Ол жер астынан ақ бу шығып, бұлтқа айналатындай жасалған.

Мыңжылдық аллеясындағы булы субұрқақ. Фото: ©️ Tengrinews.kz / Нұрлан Алжабаев

Бұл жерде ересектер тұман ішінде бір сәтке кідіріп, суретке түсу үшін смартфондарын шығарады. Ал балалар бұл ақ түтіннің арасында тығылыспақ ойнап жүр.

Фото: ©️ Tengrinews.kz / Нұрлан Әлжабаев

Көптеген жергілікті тұрғын аллеяға арнайы осы субұрқақ үшін келетіндерін айтады.

Фото: ©️ Tengrinews.kz / Нұрлан Әлжабаев

Өте жайлы. Дегенмен, бір өкініштісі: бұл аумақта қоқыс жәшіктері дерлік жоқ. Серуендеп жүргендерге қоқыс тастайтын жер табыла бермейді.

Фото: ©️ Tengrinews.kz / Нұрлан Әлжабаев

Аллеяның тап-тұйнақтай тазалығы аула сыпырушылардың еңбекқорлығының арқасында сақталып тұр. Олардан бөлек, тазалықты саябақ ішінде күні бойы жүретін шағын жинау машиналары қамтамасыз етеді.

Фото: ©️ Tengrinews.kz / Нұрлан Әлжабаев

Алайда салтанатты променадтан іргелес жатқан тұрғын үй кешендеріне қарай бір қадам аттасаңыз болғаны, көрініс бірден өзгеріп, буклеттегі суреттен алшақтай бастайды.

Қалибек Қуанышбаев театрының екінші жағынан көрінетін Мыңжылдық аллеясының көрінісі. Фото: ©️ Tengrinews.kz / Нұрлан Алжабаев

Бұл жерде мұқият қарасаңыз, көгалдардың сапасы онша емес екенін байқайсыз - бейне бір асығыс төселе салғандай.

Фото: ©️ Tengrinews.kz / Нұрлан Әлжабаев

Маңайдағы Grand Victoria және Qazyna тұрғын үй кешендерін де айта кеткен жөн. Ондағы тұрғындар аллеяның ашылуын көптен күткен еді. Жұмыс қайта жандағанда қуанғанымен, кейін оның қалай жүріп жатқанын көріп, көңілдері қалды.

Көктемде абаттандыру жұмыстары жаңадан басталған кезде біз Grand Victoria ТҮК-нің мүлік иелері бірлестігінің төрайымы Ботагөз Ахметовамен сөйлескен болатынбыз. Сол кезде ол басты наразылықтың себебін түсіндірген еді: бұл аймақ толықтай жаяу жүргіншілер жолына айналып, олар паркингтен шығатын ыңғайлы жолдан айырылып қалған.

Төрт айдан кейін біз Ботагөз Ахметовамен қайта кездесіп, оның мамырда айтқан мәселесі әлі де өзекті екенін анықтадық.

"Біздің паркинг аллеяға шығатын жолмен жобаланған болатын, бірақ ол жаяу жүргіншілер жолына айналған соң, өтетін жол жабылып қалды. Соның салдарынан күн сайын жүздеген көлік Нәжімеденов көшесіне шығатын жалғыз тар аула жолымен жүруге мәжбүр", - деп түсіндіреді Ахметова.

Нәжімеденов көшесіндегі кептеліс. Фото: ©️ Tengrinews.kz / Нұрлан Алжабаев

Мүлік иелері бірлестігі (МИБ) төрағасының айтуынша, күн сайын таңертең және кешкісін тұрғындар жаппай жұмысқа шыққанда немесе үйге оралғанда, мұнда кептеліс пайда болады. Көліктер тар жолдың қос қапталына қойылатындықтан, қарсы бағыттағы екі машинаның бір-біріне жол беріп өтуі мүмкін емес. Ботагөз Ахметованың сөзінше, түсінікті жол белгілерінің жоқтығы жүргізушілер арасындағы жанжалға жиі себеп болады.

Grand Victoria ТҮК МИБ төрағасы Ботагөз Ахметова. Фото: ©️ Tengrinews.kz / Нұрлан Алжабаев

Тұрғындардың көлік басқармасына бірнеше рет жасаған өтінішінен кейін ТҮК шығаберісінде болашақ бір жақты қозғалыс сызбасы үшін қоршаулар қойыла бастаған, алайда тар бұрылыстың өзі әлі кеңейтілмеді дейді МИБ басшысы.

Фото: ©️ Tengrinews.kz / Нұрлан Әлжабаев

Сондай-ақ аудан тұрғындары Қуанышбаев атындағы театрға іргелес жатқан саябаққа шағымданып жатыр.

Қалибек Қуанышбаев атындағы театр жанындағы саябақ. Фото: ©️ Tengrinews.kz / Нұрлан Алжабаев

Расында да - Мыңжылдық аллеясының абаттандырылған бөлігімен салыстырғанда, бұл жер күтімсіз, тіпті қаңырап бос қалғандай көрінеді.

Фото: ©️ Tengrinews.kz / Нұрлан Әлжабаев

Жергілікті тұрғындардың айтуынша, саябаққа ешкім қарамайды және мұнда суару жұмыстары мүлдем жүргізілмейді десе де болады. Соның салдарынан көгалдарды арамшөп басып, ағаштар қурап жатыр.

Фото: ©️ Tengrinews.kz / Нұрлан Әлжабаев

Жоғарыдан қарағандағы көрінісі мынадай.

Фото: ©️ Tengrinews.kz / Нұрлан Әлжабаев

Сонымен қатар, театр ғимаратының жанынан шабылған шөп пен тұрмыстық қалдықтардан үйілген қоқысқа ұқсас орынды байқадық. Бұл шіріп жатқан үйіндіден айналаға жағымсыз иіс тарап тұр.

Фото: ©️ Tengrinews.kz / Нұрлан Әлжабаев

Әрі қарай жүре отырып, біз Мыңжылдық аллеясының "Нұрлы жол" вокзалына іргелес бөлігіне жеттік. Көктемде бұл жерде бос учаске болған.

2026 жылы мамырдағы "Нұрлы жол" вокзалының қарсысындағы аллея құрылысы. Фото: ©️ Tengrinews.kz / Роман Павлов

Енді бұл кеңістік біртіндеп демалыс аймағының кейпіне еніп келеді. Кей жерлерге тротуар плиткалары төселіп, жас ағаштар отырғызылып, көгал жайылған.

2026 жылы қыркүйектегі "Нұрлы жол" вокзалының қарсысындағы Мыңжылдық аллеясы. Фото: ©️ Tengrinews.kz / Нұрлан Алжабаев

Дегенмен мұнда әлі де құрылыс жүріп жатыр. Желекжолдың абаттандыру жұмыстары жалғасып жатқан бөлігі биік темір қоршаумен қоршалған. Ол тұрғын үйлер мен ондағы коммерциялық нысандарға тым жақын орналасқан.

Фото: ©️ Tengrinews.kz / Нұрлан Әлжабаев

Бірінші қатардағы кіреберістерден, дүкендер мен кофейнелерден шыққан тұрғындар мен келушілер бірден профнастилге тіреледі.

Фото: ©️ Tengrinews.kz / Нұрлан Әлжабаев

Мұның бәрі жергілікті бизнестің жұмысына кедергі келтіріп, жаяу жүргіншілер үшін айтарлықтай қолайсыздық тудырады. Олар жұмыс тезірек аяқталар деген үмітпен шаң мен құмның үстімен жүруге мәжбүр.

Фото: ©️ Tengrinews.kz / Нұрлан Әлжабаев

Жаяу жүргіншілермен бірге вокзалдың өзіне де жеттік.

Мұнда вокзал маңындағы саябақ пайда болуы тиіс. Фото: ©️ Tengrinews.kz / Нұрлан Алжабаев

Қазір бұл аумақ та үлкен құрылыс алаңына көбірек ұқсайды: жан-жақта үйілген құм, қиыршық тас пен топырақ, ауыр техника жұмыс істеп тұр, жерде жұмысшылардың құрал-саймандары немесе аяқ киімдері жатыр.

Фото: ©️ Tengrinews.kz / Нұрлан Әлжабаев

Айналасындағы аумақ "Вокзал маңы саябағы" деген жазуы бар қоршаумен қоршалған.

Фото: ©️ Tengrinews.kz / Нұрлан Әлжабаев

Аздаған жолаушылармен бірге құм мен қиыршық тас үйінділерін айналып өтіп, вокзал жанындағы құрылыстың біртіндеп болашақ сквердің кейпіне еніп жатқанын байқадық.

Фото: ©️ Tengrinews.kz / Нұрлан Әлжабаев

"Нұрлы жол" ғимаратына жақындаған сайын бұл өзгеріс айқындала түседі. Сәлден соң тағы да - үлкен айырмашылық. Дәл вокзал маңындағы абаттандыру жұмыстары мәреге жақындаған сияқты - мұнда нағыз жасыл оазис пайда болыпты.

"Нұрлы жол" вокзалының саябағы. Фото: ©️ Tengrinews.kz / Нұрлан Алжабаев

Кейбір учаскелерде мінсіз көгалдар жайылған, ұқыпты тротуар плиткалары төселіп, жас ағаштар егілген.

Фото: ©️ Tengrinews.kz / Нұрлан Әлжабаев

Айтпақшы, LRT эстакадасы дәл осы саябақ аймағына келіп тіреліп, үзіліп қалған, бірақ бұл елорданың көлік жүйесіне қатысты жоспарларын анық еске салады.

Фото: ©️ Tengrinews.kz / Нұрлан Әлжабаев

Алайда бас бұрсаңыз болды - қайтадан қызу жүріп жатқан құрылысты көресіз.

Фото: ©️ Tengrinews.kz / Нұрлан Әлжабаев

Айта кететін жайт, біз түсірілім жасаған кез құрылысшылардың түскі үзілісіне тұспа-тұс келді. Олар ас-суын дәл жұмыс орнында ішіп жатыр.

Фото: ©️ Tengrinews.kz / Нұрлан Әлжабаев

Ал кейбірі тамақтанып болған соң, көгалда тынығып жатыр. Жұмыс өте қарқынды жүріп жатқан болуы керек, сондықтан түскі үзілісте күш жинап алу қажет.

Фото: ©️ Tengrinews.kz / Нұрлан Әлжабаев

Көріп отырғанымыздай, өткен төрт ай ішінде Мыңжылдық аллеясы айтарлықтай өзгерген.

Көктемде абаттандыру жұмыстары енді ғана басталған жерлерде бүгінде жайлы жасыл аймақтар пайда болды. Бірақ әлі де серуендеуге кедергі көп болып тұр - көптеген учаскеде жұмыс енді ғана басталған, қызу жүріп жатыр немесе тіпті басталмаған, бұл жергілікті тұрғындар мен бизнеске көптеген қолайсыздықтар тудырып отыр.

Редакциямыз бұл жобаның қалай дамитынын алдағы уақытта да бақылап отырады. Дегенмен, жұмыстың аяқталуына әлі біраз уақыт бар сияқты - ресми мәліметтер бойынша, Мыңжылдық аллеясын абаттандыруды 2028 жылы аяқтау жоспарланған.

Мәтін: Аружан Дәрібай

Фото: Нұрлан Әлжабаев

Аударған: Дина Шәріпхан