Шенеуніктер не мініп жүр қалалар мен облыстар әкімдіктерінің автопарктері

2024 жылы біз Қазақстанның түрлі облыстары мен қалаларының әкімдері қандай көлік мінетіні туралы материалдар сериясын жазған болатынбыз. Tengri Auto тілшісі екі жылдан кейін ведомстволардың автопарктері қалай өзгергенін білуді жөн көрді.

2024 жылы біз Қазақстанның түрлі облыстары мен қалаларының әкімдері қандай көлік мінетіні туралы материалдар сериясын жазған болатынбыз. Tengri Auto тілшісі екі жылдан кейін ведомстволардың автопарктері қалай өзгергенін білуді жөн көрді.

Астана және Алматы әкімдері не мініп жүр?

Астана әкімдігінің мәліметінше, олардың меншікті автопаркі жоқ.

2018 жылдан 2023 жылға дейін қалада мемлекеттік-жекеменшік серіктестік жобасы жұмыс істеді: әкімдік қажеттіліктері үшін қызметтік көліктердің орнына такси қызметі пайдаланылды. Билік бұл форматты әрі қарай да сақтауды ұйғарды.

Қазір әкімдік жеке серіктестің қызметін пайдаланып келеді, бұл ретте жеке автопарк сатып алынбайды және күтіп ұсталмайды. Серіктес автокөліктерді өзі ұсынады, оларға техникалық қызмет көрсетеді және жүргізушілердің жұмысын ұйымдастырады.

Жаңа форматта электромобильдерді пайдалану жоспарланып жатыр. Сондай-ақ, жеке серіктес инфрақұрылымды дамытып, соның ішінде өз қаражаты есебінен зарядтау станцияларын орнатады.

Алматы әкімдігінің де өз автопаркі жоқ, олар көлік қызметтерін пайдаланады. Бұл мемлекеттік сатып алу порталындағы ашық конкурс арқылы жүзеге асырылады.

Бірақ екі жыл бұрын әкімдіктің 160 автокөліктен тұратын жеке автопаркі болған. Бұл мөлшердің 100-і шенеуніктердің қызметтік сапарлары үшін пайдаланылды.

Ресми автопарк тізімінде мынадай модельдер болды:

Toyota Land Cruiser; Toyota Hiace; Toyota Coaster; Kia K900; 2018 жылғы Skoda Superb; 2015 жылғы Kia Cadenza; 2013 жылғы Kia Quoris; Mercedes-Benz Sprinter. Шымкент әкімдігінде қанша автокөлік бар?

Ресми мәліметтер бойынша, автопаркте 46 көлік бар. Оның 12-сі қызметтік, 32-сі кезекші көлік ретінде бекітілген, тағы 2 автокөлік қонақтарды күтіп алуға арналған.

Автопаркте салыстырмалы түрде жаңа көліктер. Басым бөлігі - 2024 жылы шыққан 25 дана Hyundai Sonata седаны.

Сондай-ақ, тізімде KIA K9 (1 көлік, 2024 жыл), KIA K8 (5 көлік, 2024 жыл) және KIA K5 (1 көлік, 2025 жыл) бар. Сонымен қатар, әкімдік иелігінде кроссоверлер де бар: KIA Sorento (5 бірлік, 2024 жыл) және KIA Sportage.

Қызметтік тапсырмалар үшін Yutong (2024 жыл) және Mercedes-Benz Sprinter (2019 жыл).

Екі жыл ішінде Шымкент автопаркі айтарлықтай жаңартылып, көлік саны екі есеге жуық өсті. Мәселен, 2024 жылы баланста әртүрлі мақсаттағы 24 автокөлік болған еді.

Ол кезеңде автопарк негізінен ескілеу модельдерден тұратын, олардың арасында:

Lexus LX570 (2011); SsangYong Chairman Limo (2012); Kia Cadenza (2012 және 2015 жылғы); Mercedes-Benz S350L (2010); Kia Cerato (2018); Toyota Camry (2010); Chevrolet Aveo (2015).

Қазіргі тізімді екі жыл бұрынғы деректермен салыстырсақ, автопарк айтарлықтай "жасарған". Қазір онда 2024–2025 жылдары шыққан көліктер басым, ал бұрын негізгі бөлігі 2010–2015 жылғы машиналар болатын.

Алматы облысының әкімдігі

Бүгінгі таңда әкімдік автопаркінде 75 бірлік қызметтік автокөлік тіркелген. Басқа өңірлердің автопарктерімен салыстырғанда, Алматы облысының автопаркі ең ауқымдысы.

"Бұл мөлшер жедел қызметті қамтамасыз ету және жұмыс сапарларын, соның ішінде облыстың шалғай аудандарына баруды ұйымдастыру үшін қызметтік қажеттіліктерді ескере отырып қалыптастырылды", - деп жауап берді ведомство өкілдері.

Автопарк құрамында жаңа да, пайдаланылған да мынадай түрлі маркалы көліктер бар:

Tank, Chevrolet, Toyota, Skoda, Kia және Hyundai.

Қалған маркалар аталған жоқ, бірақ көліктердің саны мен модельдері 2024 жылғы тізіммен сәйкес келетінін атап өткен жөн.

Қызылорда облысының әкімдігі

Әкімдік мәліметінше, баланста 69 автокөлік бар. Олардың қатарында Mercedes Benz, Lexus, Toyota, Hyundai, Kia және Газель сияқты маркалар бар.

Бұл - Алматы облысы әкімдігінен кейінгі тізімдегі ең үлкен автопарктердің бірі.

Абай облысының әкімдігі

Әкімдік мәліметінше, оларда 56 бірлік автокөлік бар, оның ішінде: 6 бірлік - облыс басшылығының қызметтік көліктері, ал қалған 50 көлік 25 басқармаға бөлінген.

Олардың арасында:

Kia K9; Kia Sorento; Kia Sportage; Kia K5; Hyundai Staria; GAZelle NEXT; JAC Sunray; Chevrolet Equinox; Chevrolet Malibu; Chevrolet Cobalt. Маңғыстау облысының әкімдігі

Қазір әкімдікте мемлекеттік қызметшілерді тасымалдауға арналған 47 қызметтік көлік бар. Нақты маркалары мен модельдері аталмады.

Бұдан бөлек, жергілікті органдардың қажеттілігі үшін қосымша автокөліктерді жалға беретін компанияны таңдау мақсатында жыл сайын мемлекеттік сатып алу порталында ашық конкурс өткізіледі.

Жетісу әкімдігі

Жетісу әкімдігінің автопаркінде өзгерістер байқалады. Қазір онда 2008-2025 жылдары шыққан 37 жеңіл автокөлік бар:

KIA – 12 дана; Skoda – 8 дана; Mercedes-Benz – 4 дана; Toyota – 1 дана; Hyundai – 7 дана; Chevrolet – 4 дана; ЗАЗ Chance – 1 дана.

2024 жылы оларда 34 жеңіл көлік болған, атап айтқанда:

KIA – 6 дана (Quoris – 1, Optima – 3, Sorento – 1, Cerato – 1); Skoda Superb – 12 дана; Mercedes-Benz – 4 дана; Toyota Camry – 3 дана; Hyundai – (Sonata – 1, Elantra – 1); Chevrolet – (Malibu – 5, Captiva – 1); ZAZ Сhance – 1 дана.

Автопаркке бірнеше KIA және Hyundai қосылды. Chevrolet, Toyota және Skoda азайды. ZAZ Chance және төрт Mercedes өзгеріссіз қалды, алайда бұлардың бұрынғы "мерстер" екені белгісіз.

ШҚО әкімдігі

Бізге берілген ақпаратқа сәйкес, Шығыс Қазақстан облысының әкімдігі заңды тұлға құрмай қызмет ететін алқалы орган болып саналады. Сондықтан оның балансында қызметтік автокөліктер жоқ.

Дегенмен әкім аппаратының жұмысы үшін басқарма қарамағында 29 автокөлік бар:

Toyota Hiace (2010) – 2 дана; Toyota LC 200 (2011) – 1 дана; Skoda Octavia А5 (2012) – 1 дана; Chevrolet Captiva (2013) – 1 дана; Skoda Octavia А5 (2013) – 1 дана; Kia Sorento (2015) – 2 дана; Toyota Hiace (2016) – 2 дана; Lexus LX 570 (2017) – 1 дана; Toyota Camry 55 (2017) – 1 дана; Skoda Superb В8 (2018) – 1 дана; Skoda Kodiaq (2018) – 1 дана; Mercedes Benz Vito (2018) – 1 дана; Skoda Superb В8 (2019) – 1 дана; Hyundai H350 (2020) – 2 дана; Toyota Camry 75 (2021) – 2 дана; Toyota Camry 75 (2022) – 1 дана; Kia Sportage (2022) – 1 дана; Kia Sportage (2023) – 2 дана; Kia Sorento (2023) – 1 дана; Kia Cerato (2023) – 2 дана; Hyundai Tucson (2024) – 1 дана; KIA K9 (2024) – 1 дана. Ақтөбе облысының әкімдігі

Әкімдікте барлығы 31 автомобиль бар, оның ішінде 18-і "Ақтөбе облысы әкімінің аппараты" мемлекеттік мекемесіне, ал 13 данасы "Ақтөбе облысы әкімдігінің іс басқармасы" коммуналдық мемлекеттік мекемесіне бекітілген.

Автопаркте отандық өндірушілердің Hyundai және KIA маркалы автомобильдері пайдаланылады. Нақты модельдерінің атауы мен саны бізге айтылмады.

Дегенмен, екі жыл бұрын автопаркте көлік саны дәл осындай болған. Және ол келесідей көрінетін:

Kia K-900, 2019 жылғы – 5 дана; Kia Sorento, 2014 жылғы; Kia Sorento, 2018 жылғы; Kia Sorento, 2018 жылғы; Kia Optima, 2018 жылғы; Kia К5, Huyndai Sonata, сондай-ақ, Skoda Rapid. Атырау облысының әкімдігі

Әкімдікте бүгін 27 автомобиль бар. Атап айтқанда:

Kia K9, 2024 - 1 бірлік; Kia K5, 2022-2023 - 4 бірлік; Kia Cerato, 2022-2023 - 7 бірлік; Toyota Land Cruiser 200, 2016 - 1 бірлік; Тoyоta Camry 75, 2023 - 4 бірлік; Тoyоta Camry 55, 2017 - 5 бірлік; Тoyоta Coaster, 2012 - 1 бірлік; Тoyоta Hiace, 2016 - 1 бірлік; Mercedes-Benz S-350, 2010 - 1 бірлік; Hyundai County, 2013 - 1 бірлік; YUTONG ZK6710Q1, 2022 - 1 бірлік;

Ведомство мәліметінше, олардың бір бөлігі ұзақ уақыт бойы пайдаланылып келеді және кезең-кезеңімен есептен шығарылуға тиіс.

Автопарк тек бюджет шеңберінде және машиналар бұзылған немесе оларды әрі қарай пайдалану тиімсіз болған жағдайларда ғана жаңартылады.

"Бұл ретте жаңа автомобильдерді сатып алу кезінде олардың құнын, пайдалану сипаттамаларын және қызметтік қажеттіліктер үшін пайдаланудың мақсатын ескере отырып, отандық өндірістегі көлік құралдарына басымдық беріледі", - деп атап өтті әкімдіктегілер.

Сондай-ақ, күнделікті міндеттер үшін негізінен орта санаттағы автомобильдер мен кезекші көліктер пайдаланылады.

БҚО әкімдігі

БҚО әкімдігінде 21 автомобиль пайдаланылады:

Газель; ГАЗ; УАЗ; Toyota; KIA; Volkswagen; Renault; Hyundai. Ұлытау әкімдігі

"Ұлытау облысы әкімі аппаратының іс басқармасы" КММ теңгерімінде 20 автомобиль бар:

Kia K9 - 1 бірлік; Kia Sportage - 4 бірлік; JAC S5 - 3 бірлік; JAC Sunray - 1 бірлік; Toyota Hiace - 1 бірлік; Hyundai Tucson - 2 бірлік; Toyota Land Cruiser 200 - 3 бірлік; Mercedes Benz E300 - 1 бірлік; ГАЗ 33027 - 1 бірлік; Skoda Octavia A7 - 1 бірлік; Kia Optima - 2 бірлік.

Оның ішінде: 6 қызметтік, 12 кезекші және 2 қонақтарға арналған автомобиль.

Қарағанды облысының әкімдігі

Қарағанды облысының әкімдігінде қызметтік мақсатта пайдалану үшін Қазақстандық құрастырылымдағы 18 машина есепте тұр:

Chevrolet Cobalt; Skoda Kodiaq; KIA Sportage; KIA Cadenza; KIA Sorento; KIA K9; Hyundai Palisade.

2024 жылы да автомобильдер саны дәл осындай болған, бірақ құрамы сәл өзгеше еді:

Chevrolet Cobalt; Skoda Kodiaq; KIA Sportage; KIA Cadenza және KIA Sorento. Солтүстік Қазақстан облысының әкімдігі

СҚО әкімдігінде қызметтік қажеттіліктер үшін 10 автомобиль пайдаланылады:

KIA K9 - 1 бірлік (2024 жылғы); Lexus LX750 - 1 бірлік (2020 жылғы); Toyota - 3 бірлік (2023 жылғы); Kia Sorento - 2 бірлік (2019 және 2024 жылғы); Hyundai Tucson - 1 бірлік (2024 жылғы); Toyota Hiace - 2 бірлік (2016 жылғы). Қостанай облысының әкімдігі

Қостанай облысы әкімдігінің теңгерімінде 9 автомобиль бар:

Lexus LX 570 - 1 бірлік; Chevrolet Tahoe - 1 бірлік; Toyota Land Cruiser 200 - 3 бірлік; Kia K9 - 1 бірлік; Toyota Hiace - 1 бірлік; Toyota Camry - 1 бірлік; Chevrolet Trailblazer - 1 бірлік.

2026 жылы жаңа автомобильдер сатып алу жоспарланбаған.

Біз бұған дейін 2024 жылы әкімдікте 10 автомобиль болғанын жазған едік:

Kia Sportage - 1 бірлік; Skoda Rapid - 1 бірлік; Peugeot 301 - 1 бірлік; Chevrolet Tahoe - 1 бірлік; Skoda Superb B6 - 1 бірлік; Lexus LX 570 - 1 бірлік; Toyota Land Cruiser 200 - 1 бірлік.

Екі жыл ішінде автопарк 10-нан 9 көлікке дейін қысқарды. Алайда құрамы жаңарды: Kia Sportage, Skoda Rapid және Peugeot 301 секілді бюджеттік модельдер, сондай-ақ Skoda Superb жойылды. Сонымен қатар, Toyota Land Cruiser 200 саны артты (біреуден үшке дейін), Kia K9, Toyota Hiace, Toyota Camry және Chevrolet Trailblazer модельдері пайда болды.

Жамбыл облысының әкімдігі

Жамбыл облысы әкімі аппаратының шаруашылық басқармасының теңгерімінде 8 автокөлік бар:

Kia K9 - 1 бірлік; Hyundai Palisade - 3 бірлік; Toyota Land Cruiser 200 - 1 бірлік; Tank 500 - 1 бірлік; Toyota Highlander - 1 бірлік; Toyota Hiace - 1 бірлік;

2024 жылы әкімдікте көлік саны дәл осындай болған, бірақ құрамы сәл өзгеше еді:

Mercedes-Benz W222 - 1 бірлік; Hyundai Palisade - 2 бірлік; Toyota Land Cruiser 200 - 1 бірлік; Toyota Highlander - 1 бірлік; Toyota Camry 55 - 1 бірлік; Kia Quoris - 1 бірлік; Toyota Hiace - 1 бірлік. Түркістан облысының әкімдігі

Түркістан облысының әкімдігінде 7 автомобиль бар.

Әкімдік мәліметінше, Kia K9, Hyundai Sonata маркалы автомобильдер қолданылады.

Павлодар облысының әкімдігі

Павлодар облысында ең шағын автопарк тіркелген, онда бар болғаны 6 автомобиль бар:

Kia К9 - 1 бірлік; Hyundai Palisade - 1 бірлік; Kia К8 - 2 бірлік; Kia Cadenza - 1 бірлік; Kia Sorento - 1 бірлік.

Google News арқылы жаңалықтарымызды қадағалаңыз

Жазылу