Шымкентте куәлігі бар Нұрболдың тарихы қайталанды

Шымкентте Қаржылық мониторинг агенттігінің қызметкерлері өзін экономикалық тергеу қызметінің маманымын деп таныстырған ер адамды ұстады, деп хабарлайды Tengrinews.kz.

Шымкентте Қаржылық мониторинг агенттігінің қызметкерлері өзін экономикалық тергеу қызметінің маманымын деп таныстырған ер адамды ұстады, деп хабарлайды Tengrinews.kz.

Ведомство мәліметінше, оқиға 2025 жылдың қыркүйегінде болған. Күдікті өзін Экономикалық тергеу департаментінің қызметкері ретінде таныстырып, компаниялардың бірінің басшысын 25 миллион теңге беруге көндірген.

Қаражат медициналық мекемені тексерілетін ұйымдар тізімінен шығарып беруге көмектесу сылтауымен алынған.

Ер адам ұсталып, уақытша ұстау изоляторына қамалған. Қазіргі уақытта іс бойынша сотқа дейінгі тергеу амалдары жүргізіліп жатыр.

ҚР Қылмыстық-процестік кодексінің 201-бабына сәйкес, өзге ақпарат тергеу мүддесіне байланысты жария етілмейді.

ҚАЗІР ТАЛҚЫЛАНЫП ЖАТЫР

Қазақстанның Халық жазушысы Мұхтар Шаханов өмірден өтті

19 сәуір 22:47 1

Министр Қазақстандағы курьерлер мен такси жүргізушілері үшін алаңдатарлық болжам айтты

27 сәуір 18:41 1

Медалін шешуді ұмытып кеткен қазақстандық спортшы әуежайда қызық жағдайға тап болды

29 сәуір 08:10 1

Қаржылық мониторинг агенттігі азаматтарды сақ болуға, мәліметтерді ресми дереккөздер арқылы тексеруге және күмәнді ұсыныстарға сенбеуге шақырады.

Еске сала кетейік, 2021 жылы жазда Қазнетте өзін Сыбайлас жемқорлыққа қарсы іс-қимыл агенттігінің қызметкерімін деп таныстырған адамның видеосы пайда болған еді. Видео авторы Нұрбол есімді азамат көліктің артқы орнында отырып, Instagram-да тікелей эфир жүргізген. Бір сәтте көлікті полицейлер тоқтатады. Ер адам "Куәлігім қайда?" деп сөмкесінен бірдеңе іздей бастап, тәртіп сақшыларымен сөйлесуге шығады.

Бұдан соң бұл хикая жалғасын тапты. Шымкентте полицейдің бейнежетоны ер адамның Сыбайлас жемқорлыққа қарсы қызмет басқармасының жалған куәлігін пайдаланғанын тіркеп алған.

Кезекті дау 2022 жылдың мамыр айында туындады. Онда "жалған ксива көрсеткен Нұрбол" сыбайлас жемқорлыққа қарсы қызмет қызметкері кейпінде Каспий жағалауынан жер телімін талап еткен болатын.

Google News арқылы жаңалықтарымызды қадағалаңыз