“Сіздерге мақта кәмпит сатып алып беремін“. Астаналық жігіт бейтаныс жандарды қыдыруға шақырды және кенеттен жұлдызға айналды

Кейде бір ғана шынайы жазба жүз мыңдаған адамның назарын аударуға жеткілікті. Астаналық Тимур Меркурий (Файзрахманов) әлеуметтік желіде көпшілікті кездесуге шақырып, барлығына тәтті мақта немесе балмұздақ алып беруге уәде берген жазба жариялады. Жарияланым тез арада танымал болып кетті. Бірақ онымен танысқаннан кейін жұртты қызықтырған жазба емес, Тимурдың өзі екені түсінікті болды, - деп хабарлайды Tengri Life.

Кейде бір ғана шынайы жазба жүз мыңдаған адамның назарын аударуға жеткілікті. Астаналық Тимур Меркурий (Файзрахманов) әлеуметтік желіде көпшілікті кездесуге шақырып, барлығына тәтті мақта немесе балмұздақ алып беруге уәде берген жазба жариялады. Жарияланым тез арада танымал болып кетті. Бірақ онымен танысқаннан кейін жұртты қызықтырған жазба емес, Тимурдың өзі екені түсінікті болды, - деп хабарлайды Tengri Life.

34 жастағы ақын, кітапханашы және өмірге құштар жан Тимур Файзрахманов Threads-ке қысқа ғана жазба қалдырды. Ешқандай стратегия немесе есеп жоқ. Тек серуендегісі келетінін айтып, ниет білдіргендердің бәрін шақырды.

"Сіздерге міндетті түрде тәтті мақта немесе балмұздақ сатып алып беремін", - деп уәде берді ол.

Скриншот: Threads

Жазба 300 мыңнан аса қаралым, 11 мыңға жуық лайк және жүздеген пікір жинады. Желі қолданушылары Тимурды серуендеуге, түрлі іс-шараларға, тіпті саяхатқа шақыра бастады. Кейбіреулер, ол тек кездесуге келіссе болғаны, тәтті мақтаны өздері сатып алып беруге дайын екенін айтты. Гүлнара есімді қолданушы танысуды демалысқа қалдырмай, бірден қала орталығына жүздесуге келген.

Біз де соның ізімен Тимурдың жұмыс орнына бардық.

Тез тіл табысқың келетін Тимур

Бізді "Астана әлеуметтік технологиялары" (АСТ) оңалту орталығының кіреберісінде Тимур күтіп тұрды. Жоғарыға көтерілуді сұрамай, алдымыздан шықты. Күлімсіреп, қол алысып амандасты да, күнделікті уақыты өтетін жерге бастап барды.

Тимур туғаннан ДЦП-нің ауыр түрімен өмір сүріп келеді. Ол алғашқы сәттен-ақ еш қысылмай, өз әлемімен таныстырып кетті.

Мұнда Тимурдың кітапханашы болып жұмыс істегеніне екінші жыл. Орталықта жарақат алған, инсульт алған және тірек-қимыл аппараты бұзылған балалар оңалтудан өтеді. Ол тек кітаптарға жауапты емес, сонымен қатар балаларға сабақ пен шығармашылыққа қажетті заттарды - қарындаш, ермексаз, бояу дәптерлері мен басқа да материалдарды тауып беруге көмектеседі.

Фото © Tengrinews.kz. Суретте - Тимур және оның жақын досы әрі әріптесі Мәди.

Бірде үйде жеделсаты бұзылып қалыпты. Бала кездегі досы Тимурды көтеріп алып, оныншы қабатқа жаяу шығарған. Оның өмірінде мұндай жандар жиі кездесетін сияқты. Бәлкім, содан болар, ол бейтаныс адамдарға тез сенім артып: "Кел, серуендейік" деп бірінші болып ұсыныс жасайды.

Rammstein тыңдайтын ақын

Тимур ерте жастан өлең жазады. Бәрі сүйікті әндерінің мәтінін көшіріп жазудан басталған. Кейін өз туындыларын шығаруға кіріскен. Жас кезінде рэпке қызықса, уақыт өте келе талғамы "ауырлай" түскен.

"Қазір рок пен металл тыңдаймын. Мысалы, Rammstein. Рок мені сабырға келтіреді", - дейді Тимур.

Осы жылдар ішінде қанша өлең жазғанын өзі де білмейді. Бірақ оның үш өлеңдер жинағы жарық көрген.

Фото ©️ Tengrinews.kz / Надежда Лыкова

Қазір Тимур солардың бірін қайта басып шығаруға қаражат жинап жатыр. 300 мың теңгеге жуық қаражат жиналған, бірақ басып шығару үшін тағы сондай сома қажет. Жүз данаға жуық тираж шығару жоспарланған. Сонымен қатар ол келесі кітабымен жұмыс істеп, әңгімелер жазып жүр.

Дегенмен, оның қызығушылығы тек қағаз кітаптармен шектелмейді.

Кейінгі айларда Тимур нейрожелілерге қызыға бастаған. Жаңа сервистерді өз бетінше зерттеп, жазылымдар рәсімдеп, бағдарламалармен тәжірибе жасап жүр. Ол өз өлеңдерін дыбыстау арқылы "жан бітіріп", бейнероликтер дайындайды. Instagram-дағы барлық жазбаны - идеядан дайын өнімге дейін - өзі жасайды.

Instagram-дағы бұл жарияланымды көру

Меркурий | ДЦП-мен ауыратын ақын (@timur.mercury) жариялаған жазба

Оның көптеген жыл бойы қасында жүрген жақын досы әрі әріптесі Тимурдың ешқашан жай ғана бақылаушы болып отыра алмайтынын атап өтті.

"Егер Тима бір істі қолға алса, ол ешқашан шетте қалмайды. Әрқашан белсенді қатысады. Біреу ол үшін бәрін жасап береді деп күтіп отырмайды. Өзі хабарласады, адамдарды іздейді, келіседі, ұйымдастыруға көмектеседі. Ол өте белсенді адам", - деді досы Мәди.

Бұл тек шығармашылыққа қатысты емес.

Тимур психология курстарынан өткен, "Короткие перемены" танысу клубының әкімшісі болып, адамдардың бір-бірін табуына көмектескен. Өзі де үнемі кездесулерге барып, танысып, араласып, достар тапқан.

Адамдармен араласу оның басты шабыт көзіне айналған сияқты.

"Мені адамдардың іс-әрекеттері шабыттандырады", - деп қадап айтты ол.

Тимур туралы шексіз айтуға болады. Оның өміріндегі әрбір деталь мінезінің жаңа бір қырын аша түскендей.

Ол классиканы сүйіп оқиды - әсіресе Достоевский мен Чеховтың шығармаларын ұнатады. Мысықтарды жақсы көреді және жылқы етін мүлде жемейді. Неге?

"Жай ғана жемеймін", - деп жауап берді Тимур сабырмен. Ұзақ түсіндірместен.

Адам бір рет шешім қабылдап, кейін ол мәселеге қайта оралмайтын жайттар болады. Ол да дәл сондай жан. Өз ұстанымдарына келгенде артық сөзді ұнатпайды.

Лабрадорлар және жаңа таныстықтар

Тимурдан сол баяғы жазбадан кейін өмірінің қалай өзгергенін сұрағанымызда, ол тек жымиды. Қазір оның телефоны тынбайды.

Оңалту орталығына алғашқылардың бірі болып Гүлнара есімді қыз арнайы танысу үшін барған. Кейін Тимурды стендапқа шақырып, ол барып қайтты. Ал алда тағы бір кездесу күтіп тұр.

Тимур жазба жарияланғаннан кейін хат жазған қызбен саябақта серуендеуге келіскен. Ол екі лабрадорымен бірге келмек.

Сондай-ақ Тимур өз жазбасында берген уәдесін де ұмытқан жоқ. Тәтті мақта - міндетті түрде. Дәмхана да жоспарда бар.

Оқиға енді ғана басталып жатыр

Тимур күн сайын оңалту орталығына барады. Сабақтарды қалт жібермейді, емдік дене шынықтырумен айналысады, арт- және эрготерапиядан өтіп, массаж алады. Өзгеріс бар екенін айтады. Баяу болса да, нәтиже байқалады.

Бос уақытын достарымен өткізеді. Оның достары көп: бала кезгі жолдастары, танысу клубындағы таныстары, орталықтағы әріптестері. Бір жыл бұрын ең жақын достарының бірімен Дубайға барып қайтқан. Енді Ташкент пен Алматыны көруді армандайды.

Әріптесінен Тимурды бір сөйлеммен сипаттап беруді өтінгенімізде, ол көп ойланбастан жауап берді.

"Біз танысқан кезде, алғашында оған көмек керек деп ойладым. Бірақ кейін оның өзгелерге берері мол адам екенін түсіндім", - дейді ол.

Бірнеше күн ішінде Тимурдың оқиғасын жүз мыңдаған адам көрді. Бірақ адамдарды баурап алған жазбаның өзі емес сияқты. Оларды өлең жазып, Достоевскийді оқитын, Rammstein тыңдап, саяхатқа жоспар құратын және жаңа адамдармен танысудан қашпайтын жанның ашықтығы тебірентті.

Оған мұншама бейтаныс адамның хат жазуының себебі де осы болса керек - шынайы қалпын сақтай білетін жанмен танысуға деген құштарлық.

Әрі қарай бәрі Тимурдың өзі қалағандай болады: жаңа өлеңдер, жаңа кітап, жаңа кездесулер. Және қарапайым ғана хабарламадан басталатын талай жаңа оқиға болары хақ: "Сәлем. Серуендеп қайтайық па?"

Google News арқылы жаңалықтарымызды қадағалаңыз

Жазылу