Соңғы екі жылда Қазақстанда 17 кен орны ашылған

Вице-министрдің айтуынша, елде жер қойнауын геологиялық тұрғыдан зерттеу бойынша белсенді жұмыс жалғасып жатыр және бұл нақты нәтиже бере бастады. 

– Былтырғы және соңғы екі жылдың қорытындысы бойынша 17 кен орны ашылды. Қазіргі уақытта біз негізгі көрсеткіштер бойынша жақсы өсімді байқап отырмыз, – деді вице-министр деді вице-министр елордада Geoscience & Exploration Central Asia халықаралық форумында. 

Сондай-ақ ол Қарағанды облысында сирек жер элементтері бойынша жоғары әлеует барын атап өтті.

– Әңгіме лантаноидтар сияқты элементтер туралы болып отыр. Қазіргі кезде оларды қосымша зерттеу бойынша белсенді жұмыстар жүргізілуде. Әрі қарай игеру үшін инвестициялар мен заманауи технологиялар тартылып жатыр, – деп толықтырды спикер. 
Оның айтуынша, бұл нысан перспективалы орын ретінде қарастырылып отыр және елдің мемлекеттік геологиялық зерттеулерінің маңызды нәтижелерінің біріне айналуы мүмкін.

Бұған дейін Иран Шархан Қазақстанда қанша пайдалы қазба қоры бар екенін айтқан еді.

Елімізде геологиялық барлауға салынған инвестиция көлемі 433 млрд теңгеге жетті.