Сот орындаушылары ел игілігіне 57 млрд өндірді

Биыл жыл басынан отандық сот орындаушылары мемлекет пайдасына 57 млрд теңге өндірді. Бұл туралы Әділет министрлігі қоғамдық кеңесінің қорытынды отырысында айтылды.

Ведомство басшысы Ерлан Сәрсембаев ашқан жиында азаматтар мен заңды тұлғалардың сот орындаушыларының әрекеттеріне қатысты өтініштері мен шағымдарын қарау мәселелері талқыланды. Мәселен, биыл 70 мыңға жуық шағым түскен. Бүгінде жалпы құны 16 трлн теңгеге тең 10 млн-нан астам құжат қаралып жатыр. Бұл жұмыстардың барлығы «Естуші мемлекет» қағидаты негізінде іске асырылуда. 

Ерлан Сәрсембаев, ҚР Әділет министрі:

- Тиісті заңға бірқатар түзету енгізіледі. Қазір құжат парламент қарауында жатыр. Мемлекет басшысының тапсырмасына сәйкес, біз заңнамалық шараларды енгізумен ғана шектелмейміз. Сонымен қатар жасанды интеллект көмегімен цифрлық шешімдерді іздейміз. Бүгінгі отырыста осы жөнінде пікір алмастық. Бұл жұмыстар кез келген тараптағы азаматтарымыздың құқығын қорғауға бағытталған.