Спорттық мансабым туралы нақты шешім қабылдамадым Юлия Галышева

Отандасымыз бұл Олимпиадада фристайл-могулдан жекелей сында 14-орын, ал параллель могулда 1/8 финалда өнер көрсетті.

Юлия Галышева жарыстан кейін Kazinform тілшісіне эксклюзивті сұхбат беріп, алдағы спорттық мансабы туралы айтты.

– Шынымды айтсам, енді менің жоспарымда Олимпиада ойындары жоқ. Алайда әлі болашағым туралы нақты шешім қабылдамадым. Спорт саласында қаламын деп ойлаймын, - деді спортшы.

Ол сонымен қатар болашақта жаттықтырушы болу мүмкіндігі туралы айтты. 

– Жаттықтырушы болу туралы ешқашан ойлаған емеспін, - деп қысқа қайырды Галышева.

Айта кетейік, бүгін 16 қазақстандық спортшы 7 спорт түрінен жарыс жолына шығады. 

Осыған дейін хабарлағанымыздай, фристайл-могулдан Қазақстан қыздар құрамасы Италияда өтіп жатқан XXV қысқы Олимпиада ойындарының финалдық кезеңінде өнер көрсетті.