СҚО да 840 млн теңгені жымқырған кәсіпкерге қатысты үкім өзгеріссіз қалды

Сотталған П. үкіммен келіспей апелляциялық шағым түсірген еді. 

СҚО сотының мәліметінше, жауапкершілігі шектеулі серіктестіктің директоры болған П. 2021 жылы алаяқтық жолмен бюджет қаражатын жымқырмақ болады. Осы мақсатта ол «Солтүстік» әлеуметтік-кәсіпкерлік корпорациясымен жылыжай кешенін қаржыландыру туралы шарт жасасқан. Құрал-жабдық сатып алуға керек деген желеумен акционерлік қоғамнан 840 млн теңге ақша алған. Кейін П. бұл қаражатты жеке мақсаттарына пайдаланған.

2025 жылғы 20 тамызда Петропавл қалалық сотының үкімімен П. Қылмыстық кодекстің 190-бабы 4-бөлігінің 2-тармағы, яғни аса ірі мөлшердегі алаяқтық бойынша кінәлі деп танылып, 6 жылға бас бостандығынан айырылды. Сондай-ақ оған қаржы және коммерциялық ұйымдарда басшылық және материалдық жауапты лауазымдарды атқаруға 7 жыл мерзімге тыйым салынды.

СҚО сотының қылмыстық істер жөніндегі сот алқасының қаулысымен Петропавл қалалық сотының үкімі өзгеріссіз қалдырылып, апелляциялық шағымдар қанағаттандырылмады.

Сот қаулысы заңды күшіне енді.

Бұған дейін Атырауда пара алғаны үшін сотталған Бақытгүл Хаменова тойда көзге түскенін жазған едік.