Тағы да астан улану ма?

Жақында «Меркіде кәмелет жасына толмаған спортшылар астан уланды» деген ақпарат тарады. Балалар расында астан уланды ма, басқа себебі бар ма, тиісті мамандар зерттеп жатыр.

Сурет: freepik.com

Бір анығы жиырмадан астам жасөспірім аудандық көпбейінді ауруханаға түскені расталды. Қызылордалық жасөспірімдер Меркідегі «Тұран» демалыс аймағынан ауруханаға жет­кізілген. Олар мұнда оқу-жат­тығу жиынын өткізу үшін келген екен.

«2026 жылғы 21 қаңтар күні сағат 22:40 шамасында Меркі аудандық көпбейінді орталық ауруханасына «Тұран» демалыс орнынан Қызылорда облысынан ауданға күрес түрінен оқу-жаттығу жиынына келген 12-17 жас аралығындағы 22 кәмелетке толмаған жасөспірім жеткізілді. Олардың 21-і бойынша алдын ала диагноз – этиологиясы анықталмаған гастроэнтерит. Балалардың біреуі аяқ жарақаты бойынша дәрігер көмегіне жүгінген.

Аурудың себебін анықтау мақсатында науқастар мен тағам өнімдерінен зерт­­ханалық сараптамалар алынған, қорытындысы әлі жария етілген жоқ. Аталған жағдай бойынша облыстық санитарлық-эпидемиологиялық бақылау департаменті тиісті тексеру жұмыстарын жүргізіп жатыр. Сонымен қатар бұл дерек 2026 жылғы 21 қаңтарда Меркі аудандық полиция бөлімінде тіркеліп, құзырлы органның тексеру қорытындысы негізінде тиісті үдерістік шешім қа­был­данатын болады.

Облыс әкімі Ербол Қара­шөкеевтің тапсырмасына сәйкес оқиға орнына облыс әкімінің орынбасарлары Ай­жан Есмағамбетова мен Серік Сәлемов барып, жедел штаб отырысын өткізді. Балалар медициналық бақылауға алын­ған, тиісті органдар тарапынан барлық қажетті шаралар қабылданып жатыр.

Демалыс орнында барлығы 103 жас спортшы мен 13 жат­тықтырушы тұрады. Ауру­ханаға жүгінген науқас­тардың жағдайы жеңіл дәре­жеде, денсаулықтары қалыпты, дәрігерлердің тұрақты бақы­лауында. Демалыс ор­нындағы басқа балаларға ме­дициналық тексеру жүргі­зілді,  олардан ауру белгіле­рі анықталған жоқ, профилак­тикалық шаралар жалғасып жатыр», делінген ресми ақпаратта.

Өзге де жауапты тұлғалар мен құзырлы органдар аталған жағдай бойынша тиісті жұмыс жүргізіліп жатқанын тілге тиек етіп отыр. Алдағы уақытта қайдан ағаттық кеткені толыққанды анықтала жатар. Десе де кейінгі жылдары Жамбыл облысында мұндай оқиғаның жиі тіркеле бастағаны кімді де болсын толғандырмай қоймайды.

Жамбыл облысы 

Соңғы жаңалықтар

Шекара маңындағы ауылдар қайта өркендеу кезеңіне аяқ басты

Ауыл • Бүгін, 09:40

Цифрлық трансформацияның жаңа кезеңі

Пікір • Бүгін, 09:38

Суперкомпьютердің мүмкіндігі мол

Технология • Бүгін, 09:35

Қателіктің алдын алады

Ғалам ғажаптары • Бүгін, 09:30

Басқа басылымдардан: Қазақстан мен Өзбекстан Бейбітшілік кеңесінің Жарғысына қол қойды

Басылым • Бүгін, 09:28

Жоғары білімге ЖИ-ді енгізу нені өзгертеді?

Білім • Бүгін, 09:25

Соғыста да адамзаттық қағидаттар сақталуы шарт

Әлем • Бүгін, 09:23

Кітап қорын толықтыруда нені ескеру керек?

Мәдениет • Бүгін, 09:20

Елімізде «Oxford Hub» ашылады

Білім • Бүгін, 09:15

Мәдени құндылықты сақтау жайы байыпталды

Саясат • Бүгін, 09:12

Мемлекеттілік тарихының бедерлі белестері

Пікір • Бүгін, 09:10

Бизнес және жайлы іскерлік орта

Саясат • Бүгін, 09:07

Ұлт ұпайын түгендеген басқосу

Пікір • Бүгін, 09:05

Қазына қаржысы мақсатсыз жұмсалмауға тиіс

Қаржы • Бүгін, 09:02

«Қыз алып қашу» – ауыр қылмыс

Қоғам • Бүгін, 08:57

Барлық жаңалықтар