Санитарлар Құрбан айтта астан улану қаупі жоғары екенін ескертті

АСТАНА, 25 мамыр – Sputnik. Санитариялық-эпидемиологиялық бақылау комитеті Құрбан айтта тамақтан улану қаупі жоғары екенін ескертті, деп хабарлайды Sputnik Қазақстан комитеттің ресми сайтына сілтеме жасап.

Мерекеде мал сату, сою және тағам дайындау кезінде санитариялық-эпидемиологиялық талаптарды қатаң сақтау қажет.

"Бұл тағамнан уланудың, жіті ішек инфекциялары мен аса қауіпті жұқпалы аурулардың алдын алуға көмектеседі",-дейді мамандар.

Мал сату және сою кезіндегі талаптар:

малды сату мен құрбан шалуды тек арнайы белгіленген орындарда жүргізу;

жануарларға ветеринариялық құжаттардың болуы;

сою орындарында санитариялық талаптарды сақтау;

қызметкерлердің медициналық кітапшаларының болуы.

Ал үйде жасалған консервілерді қолданар алдында 15-20 минут термиялық өңдеуден өткізу қажет. Тез бұзылатын тағамдарды дайындалғаннан кейін бірден жеп қойған дұрыс. Сосын инфекциялық және тері ауруларының белгілері бар адамдарды тағам дайындауға жібермеген жөн.

Тамақтану нысандары мен мешіттерде: -суық және ыстық сумен үздіксіз қамтамасыз ету;

қол жууға және кептіруге арналған құралдардың болуы;

желдету және кондиционерлеу жүйелерінің жарамды жұмыс істеуі;

тағам өнімдеріне құжаттардың болуы;

санитариялық талаптардың сақталуы;

қызметкерлерде медициналық кітапшалардың болуы және күнделікті ауысым алдындағы медициналық тексеруден өтуі.