Талдықорғанда 20 жастағы студентті өлтіріп кетті

Талдықорғанда футбол матчін тамашалағаннан кейін 20 жастағы студент Жәңгір Нұрланұлы қайтыс болған, деп хабарлайды Tengrinews.kz тілшісі taldykorganec_kolesa-ға сілтеме жасап.

Талдықорғанда футбол матчін тамашалағаннан кейін 20 жастағы студент Жәңгір Нұрланұлы қайтыс болған, деп хабарлайды Tengrinews.kz тілшісі taldykorganec_kolesa-ға сілтеме жасап.

Марқұмның анасының айтуынша, 7 мамыр күні кешке оның ұлы достарымен футбол көруге кеткен. Пәтерде он шақты адам болған, олардың арасында 17 жастағы мектеп оқушысы да бар.

Мәліметтерге қарағанда, жастар арасында кикілжің туындаған. Жанжалдан кейін олар сыртқа шығып, кейінірек қайта кездескен. Анасының сөзінше, мектеп оқушысы Жәңгірді кері шақырып алып, оған алты жерден пышақ жарақатын салған. Алған жарақаттарынан 20 жастағы жігіт көз жұмған.

Әйел қайғылы оқиғадан аз уақыт бұрын ұлымен бейнебайланыс арқылы сөйлескенін айтты. Оның айтуынша, ұлының көңіл күйі жақсы болған, қалжыңдап, кейінірек қайта хабарласатынын айтқан.

Қазіргі уақытта іс бойынша тергеу амалдары жүргізіліп жатыр. Сараптамалар тағайындалып, айғақтар алынды, жанжалға қатысушылардан жауап алынған. Марқұмның отбасы әділ тергеу мен кінәлінің жазалануын талап етеді.

Жетісу облыстық полиция департаменті қылмыс жасады деген күдіктінің ұсталып, уақытша ұстау изоляторына қамалғанын хабарлады. Мамандандырылған тергеу соты оған қатысты "күзетпен ұстау" түріндегі бұлтартпау шарасын санкциялады.

ҚАЗІР ТАЛҚЫЛАНЫП ЖАТЫР

Медалін шешуді ұмытып кеткен қазақстандық спортшы әуежайда қызық жағдайға тап болды

29 сәуір 08:10 1

Салтанат Нүкенованың ағасы Бишімбаевтың қарындасымен “хайп“ жасады деген айыптауларға қатысты соттасты

12 мамыр 13:53 1

Қазақстанның Ибраһим келісімдеріне ресми түрде қосылу рәсімі Астанада өтуі мүмкін

27 сәуір 20:44 1

"Қазіргі уақытта оқиғаның мән-жайын анықтауға бағытталған жан-жақты әрі объективті тергеу жүргізіліп жатыр. Қажетті тергеу және процестік әрекеттер кешені орындалуда. Тергеу барысы Жетісу облысы ПД басшылығының ерекше бақылауында. Өзге ақпарат тергеу мүддесіне байланысты жария етуге жатпайды", - деп түсініктеме берді ведомство өкілдері.

Google News арқылы жаңалықтарымызды қадағалаңыз