Тегеран соғыс өршіген жағдайда Вашингтонға жаңа тосынсыйлармен сес көрсетті

Иран Сыртқы істер министрі Аббас Арагчи соғыс қайта басталған жағдайда Тегеран Вашингтонға бұдан да үлкен тосынсыйлар әзірлейтінін мәлімдеді, деп хабарлайды Tengrinews.kz.

Иран Сыртқы істер министрі Аббас Арагчи соғыс қайта басталған жағдайда Тегеран Вашингтонға бұдан да үлкен тосынсыйлар әзірлейтінін мәлімдеді, деп хабарлайды Tengrinews.kz.

Бұл туралы Сыртқы істер министрі X әлеуметтік желісінде жазды.

"Иранға қарсы соғыс басталғаннан кейін бірнеше ай өткен соң, АҚШ Конгресі құны миллиардтаған доллар болатын ондаған ұшағынан айырылғанын мойындады. Біздің айбынды қарулы күштеріміз жарнамасы жер жарған F-35 жойғышын алғашқы болып атып түсіргені расталды. Түйген тәжірибеміз бен алған білімімізді ескерсек, соғыстың қайта келуі бұдан да көп тосынсый әкеледі", - деп жазды ол.

Иранға қарсы соғыс басталғаннан кейін бірнеше ай өткен соң, АҚШ Конгресі құны миллиардтаған доллар болатын ондаған ұшағынан айырылғанын мойындады.
Біздің айбынды Қарулы Күштеріміз мақталған F-35 ұшағын бірінші болып атып түсіргені расталды.
Алған сабақтарымыз бен жинаған біліміміздің арқасында соғыстың қайта басталуы талай тосынсыйға толы болады.

— Seyed Abbas Araghchi (@araghchi) 19 мамыр, 2026 жыл

Бірнеше күн бұрын АҚШ Конгресінің зерттеу қызметі "Эпикалық қаһар" (Epic Fury) операциясы кезіндегі америкалық авиацияның жауынгерлік шығындары туралы шолуды жариялады.

Есепте Құрама Штаттардың 42 ұшағы мен тікұшағынан, соның ішінде дрондарынан айырылғаны немесе олардың зақымдалғаны көрсетілген.

"Сәуір айында атысты тоқтату режимі енгізілгеннен кейін ұрыс қимылдарының қарқыны бәсеңдеді. Алайда бірнеше аптадан соң жекелеген соққылар қайта басталып, жағдай тұрақсыз күйде қалып отыр", - делінген құжатта.

Еске сала кетейік, бұған дейін АҚШ президенті Дональд Трамп жақын күндері Иранға жаңа шабуылдар жасалуы мүмкін екенін жоққа шығармады. Тегеранның келіссөздер жүргізуіне қанша уақыты бар деген сұраққа Ақ үй басшысы бұл екі-үш күн немесе жексенбіге дейінгі не болмаса келесі аптаның басына дейінгі мерзім болуы мүмкін екенін айтты.

ҚАЗІР ТАЛҚЫЛАНЫП ЖАТЫР

Министр Қазақстандағы курьерлер мен такси жүргізушілері үшін алаңдатарлық болжам айтты

27 сәуір 18:41 1

Медалін шешуді ұмытып кеткен қазақстандық спортшы әуежайда қызық жағдайға тап болды

29 сәуір 08:10 1

Қазақстанның Ибраһим келісімдеріне ресми түрде қосылу рәсімі Астанада өтуі мүмкін

27 сәуір 20:44 1

Google News арқылы жаңалықтарымызды қадағалаңыз