“Тексеріп жатырмыз, бірақ хайп болуы мүмкін“ полиция қазақстандық рэпердің шулы мәлімдемесі туралы

Алматы Полиция департаменті қазақстандық рэпер Әнуар Баймұхаевтың (De Lacure) көпшілік алдында айтқан мәлімдемесіне қатысты пікір білдірді. Бұған дейін әртіс YouTube-шоуының түсірілімі кезінде қоғамда резонанс тудырған оқиғаны айтып берген болатын, деп хабарлайды Tengri Life.

Алматы Полиция департаменті қазақстандық рэпер Әнуар Баймұхаевтың (De Lacure) көпшілік алдында айтқан мәлімдемесіне қатысты пікір білдірді. Бұған дейін әртіс YouTube-шоуының түсірілімі кезінде қоғамда резонанс тудырған оқиғаны айтып берген болатын, деп хабарлайды Tengri Life.

"Мне стыдно" атты әлі жарыққа шықпаған бағдарламаның үзінділері әлеуметтік желілерде тарап кеткеннен кейін, жұртшылық музыкант пен оның достарының әрекетіне құқықтық баға беруді талап етті.

Анықтама: Анықтама: "Маған ұят" (Мне стыдно) - бұл ойын-сауық бағытындағы YouTube-шоу. Бағдарламаға комиктер, блогерлер және шақырылған қонақтар қатысады. Олар өз өмірлеріндегі жеке, ыңғайсыз немесе "ұятты" оқиғаларын бөліседі.

Оқиғаның мән-жайы рэпер қатысқан түсірілімде болған көрермендердің сөзінен кейін тарай бастады. Олардың айтуынша, сөз De Lacure баяндаған өткен шақтағы бір оқиға туралы болған.

Куәгерлердің сөзінше, рэпер достарымен көшеде келе жатып, көмек сұраған айқайды естігенін айтқан.

"Олар жарақат алып, жерде көмекке шақырып жатқан әйелді тауып алған. Ол (достарының - ред.еск.) есімдерін де атады. Олар көмекке келіп, оны киіндіре бастаған. Алайда бір сәтте достарының бірі өзгелерінен шыға тұруды өтініп, "әрі қарай өзі көмектесетінін" айтқан. Олар шығып кеткеннен кейін, әйел зорланған. De Lacure-дың айтуынша, олар сыртта тұрып, іште не болып жатқанын түсінген", - деп жазды шоудың куәгерлерінің бірі болуы мүмкін көрермен.

Алматы полиция департаментінің ресми өкілі Салтанат Әзірбек полицияның тиісті тексеру жұмыстарын бастап кеткенін хабарлады.

"Егер деректер рас болса, міндетті түрде құқықтық баға беріледі. Алайда тәжірибеде кездесетініндей, кейде танымалдылық (хайп) үшін не болса соны айта салуы мүмкін. Сондықтан мұндай жағдайды да жоққа шығармаймыз", – деді Салтанат Әзірбек ӨКҚ кулуарында.

Сонымен қатар ол ақпарат расталған жағдайда, кінәлілер жауапкершіліктен құтылмайтынын атап өтті.

"Егер бұл жайт расымен болған болса, заң аясында тиісті жаза міндетті түрде қолданылады", – деп толықтырды ведомствоның ресми өкілі.

Журналистер сондай-ақ рэперді қылмыс туралы хабарламағаны үшін жауапқа тарту мәселесі қарастырылып жатқан-жатпағанын сұрады. Салтанат Әзірбек бұл туралы айту әлі ерте екенін жеткізді.

Белгілі комик, шоу жүргізушілерінің бірі Зарина Байболова подкасттардың бірінде жарыққа шықпай қалған жобаның шығарылымы туралы айтып, команданың оны неге жариялаудан бас тартқанын түсіндірді.

Кейінірек Зарина Байболова әлеуметтік желілерде түсірілім кезінде не болғанын егжей-тегжейлі түсіндірді. Оның айтуынша, бағдарлама 2025 жылдың 20 сәуірінде Алматыда жазылған.

Оның айтуынша, сол күні қатарынан бірнеше шығарылым түсірілген, ал рэпер қатысқан шоу ең соңғысы болған. Ол өз оқиғасын айтқан сәтте түсірілім тобы шаршап қалған еді, деп нақтылады комик. Жүргізуші сол сәтте тиісті деңгейде реакция білдіре алмағандарын мойындады. Ол "бұл шынайы оқиға ма, әлде ойдан шығарылған ба немесе жай ғана арандату ма, ол кезде түсініксіз болғанын" атап өтті.

"Бірден бағдар таба алмай, тиісті реакция танытпағанымыз үшін кешірім сұраймын", - деп жазды ол.

Оның сөзінше, ең құрығанда түсірілімді тоқтатып, сахнадан шығып кету керек еді. Алайда залда 100-ден астам көрермен отырғанын ескерген топ түсірілімді жалғастыруға тырысқан. Бойжеткен бұл жағдайдың сырт көзге орынсыз көрінгенін және қазақстандықтардың наразылығын түсінетінін айтты.

Кейінірек тілшімізбен сөйлесу барысында ол полицияға арыз түскенін растады.

Анықтама: Зарина Байболова - танымал қазақстандық комик, стендап-әртіс және сценарист.

Кейінірек Әнуар Баймұхаев жағдайға қатысты пікір білдіріп, бұл оқиғаның осыдан 15 жыл бұрын, өзі 16-17 жаста болғанда орын алғанын мәлімдеді. Ол зорлық-зомбылықтың кез келген түрін айыптайтынын жеткізіп, "нашар оқиғаны таңдағаны және сол сәтте мұның ешқандай күлкілі емес екенін түсінбегені үшін" кешірім сұрады.

Анықтама: De Lacure есімімен танымал Әнуар Баймұхаев - қазақстандық рэп орындаушы, әндер авторы және продюсер. Музыкамен 2009 жылдан бері айналысады және нью-скул стилінде жұмыс істейді. Көпшілікке "Esindi Jina", "Kul", "Quma" тректері арқылы танымал.

Редакция оқиғаның дамуын бақылауды жалғастырады.

Google News арқылы жаңалықтарымызды қадағалаңыз