TikTok тағы жарияланым көршілерді сотқа дейін жеткізді

TikTok-тағы жазба екі көршіні сотқа дейін жеткізді. Олардың ісін Жамбыл облысы Шу аудандық соты қарады, деп хабарлайды Tengrinews.kz тілшісі соттың баспасөз қызметіне сілтеме жасап.

TikTok-тағы жазба екі көршіні сотқа дейін жеткізді. Олардың ісін Жамбыл облысы Шу аудандық соты қарады, деп хабарлайды Tengrinews.kz тілшісі соттың баспасөз қызметіне сілтеме жасап.

Шу тұрғыны TikTok әлеуметтік желісі арқылы көршісінің ар-намысы мен қадір-қасиетіне нұқсан келтіретін мәліметтер таратқан. Сот мәліметінше, жарияланымда жәбірленушінің беделіне нұқсан келтіруі мүмкін көрінеу жалған ақпарат болған. Сот істі әлеуметтік желілерді пайдалану арқылы жасалған жала жабу дерегі бойынша қарастырды. Бұл баптың санкциясында жеке тұлғаға 180 АЕК (2026 жылы 778 500 теңге) мөлшерінде айыппұл салу немесе 20 тәулікке әкімшілік қамаққа алу көзделген.

"А.-ның кінәсі тараптардың түсініктемелері, полиция материалдары және сараптама қорытындысымен дәлелденді, соған сәйкес жарияланған мәліметтер ар-намыс пен қадір-қасиетке нұқсан келтіреді. Сотта А. кінәсін ішінара мойындады. Сондай-ақ ол жәбірленушіден кешірім сұрағанын және бұдан былай мұндай мәліметтерді таратпайтынын айтты", - деп хабарлады соттан.

Жәбірленуші істің мән-жайын растап, А. есімді азаматшамен татуласқанын мәлімдеді және іс бойынша өндірісті тоқтатуды сұрады.

"Сот тараптардың татуласуына байланысты іс бойынша өндірісті тоқтату мүмкіндігі туралы қорытындыға келді. Сот қаулысымен А. әкімшілік жауапкершіліктен босатылып, іс бойынша өндіріс тоқтатылды. Қаулы заңды күшіне енді", - делінген сот хабарламасында.

Еске салсақ, бұған дейін Тараздағы мектепте шыққан жанжал сотқа жеткенін жазған едік.

Следите за нашими новостями в Google News