Төле би көшесіндегі қазба жұмыстары қашан аяқталады әкімдіктің жауабы

Алматыда Төле би көшесінің бойындағы ескі рельстер алынып жатыр, оқырмандар редакцияға жаңа видеолар жолдады, - деп хабарлайды Tengri Auto. Әкімдік жұмыстардың қашан аяқталатынына қатысты жауап берді.

Алматыда Төле би көшесінің бойындағы ескі рельстер алынып жатыр, оқырмандар редакцияға жаңа видеолар жолдады, - деп хабарлайды Tengri Auto. Әкімдік жұмыстардың қашан аяқталатынына қатысты жауап берді.

Кадрлардан қазып алынған рельстерді, бетон шпалдар мен жиектастарды көруге болады.

Instagram-дағы бұл жарияланымды көру

Tengri Almaty (@tengri.almaty) жарияланымы

Қала тұрғындары нақты қандай жұмыстар жүргізіліп жатқанына және олардың қашан аяқталатынына қызығушылық танытты.

Жол-көлік инфрақұрылымын дамыту басқармасы мәліметінше, Сайын көшесінен Өтеген батыр көшесіне дейінгі учаскеде жеңіл рельсті көлік - LRT желісін салуға дайындық жұмыстары жүргізіліп жатыр

Рельстерді демонтаждау жұмыстары 2026 жылғы мамырдың соңына дейін аяқталады.

Жаңа желінің құрылысын 2027 жылдың екінші тоқсанында бастап, 2029 жылдың үшінші тоқсанында аяқтау жоспарланып отыр.

Сонымен қатар жеңіл рельсті көлік жүретін бағыт бекітіліп қойған. Оның ұзындығы 18,3 шақырым болып, Алатау ауданының индустриялық аймағын "Алматы-2" теміржол вокзалымен байланыстырады. Бағыт Бауыржан Момышұлы және Төле би көшелері, одан әрі Абылай хан даңғылы арқылы "Райымбек батыр" көлік-транспорты торабына дейін жалғасады.

Google News арқылы жаңалықтарымызды қадағалаңыз