Алматыда Төле би көшесін ұзарту қашан аяқталады

2026 жылы Төле би көшесін ұзарту жұмыстарын аяқтау жоспарланып отыр. Бауыржан Құдайбергеновтің айтуынша, бұл ауданаралық көлік қатынасын жақсартып, іргелес көшелердегі жүктемені азайтуға мүмкіндік береді.

Сондай-ақ Сайын және Оңғарсынова көшелерін ұзарту жұмыстарын аяқтауға да қаржы бөлу көзделген.

Ведомство басшысының сөзінше, қосымша 1,3 млрд теңге Алатау ауданындағы Ғажайып және Алғабас шағынаудандарында салынып жатқан жаңа мектептерге апаратын жолдың құрылысына жұмсалады.

Еске салайық, бұған дейін Алматыда Сайын көшесін ұзарту жұмысы неге кешеуілдеп жатқаны жайлы жазғанбыз.

Сондай-ақ Алматыда 2026 жылы қандай көшелер ұзартылатынын хабарлаған едік.