Төменнен бағытталған кенет соққы : сейсмологтар Алматыдағы екі жер сілкінісі туралы не дейді

28 қыркүйекте Алматыда бірнеше сағат айырмашылықпен екі жер сілкінісі болды. Сейсмологтар екі оқиға жазбаларын салыстыра келе, бірінші дүмпу екіншісінің форшогы болды деген қорытындыға келді. Сейсмограммалар нені көрсетті және тұрғындар неге екінші жер сілкінісін төменнен келген қатты соққы ретінде сипаттады — Tengrinews.kz материалында.

Бірнеше сағат айырмашылықпен екі дүмпу болды

Қазақстанның ұлттық деректер орталығының мәліметінше, Алматыдағы бірінші жер сілкінісі Астана уақытымен 06:32-де тіркелді. Оның магнитудасы 3,4 болды. Бұл дүмпуді қаланың батыс бөлігіндегі кейбір тұрғындар сезді. Жер сілкінісінің қарқындылығы 2–3 балл болды.

Астана уақытымен 09:38-де екінші, анағұрлым күштірек жер сілкінісі болды. Орталық деректері бойынша, оның магнитудасы 4,2-ге жетті. Эпицентр бірінші ошаққа жақын маңда орналасқан.

Екінші жер сілкінісін Алматының көптеген тұрғыны, соның ішінде бірінші және екінші қабатта болғандар да сезді. Ауданға байланысты оның қарқындылығы 3–4 балл деп бағаланды. Мамандар сезілген дүмпуді "жерастынан соққы" сияқты деп сипаттайды.

"28 қыркүйектегі екі оқиғаның да ошақтары қала аумағында болды", - деп хабарлады орталық мамандары.

Алматыдағы екі жер сілкінісі эпицентрлерінің орналасу картасы

Бірінші дүмпу форшок болып шықты

Мамандар Достық даңғылы мен Чайкина көшесі қиылысында орналасқан KNDC станциясынан алынған екі оқиға жазбаларын салыстырды.

ҚАЗІР ТАЛҚЫЛАНЫП ЖАТЫР

Қазақстан құрамасының Азиададағы алтыны спортшының аяқ киім моделіне байланысты жойылды

Бүгін 07:58 1

Некені онлайн бұзуға болады. Қазақстанда ажырасу “жаңа нормаға“ айналып бара ма?

18 тамыз 13:06 2

"Екі сейсмограмманың сипаты өте ұқсас, бұл екі ошақ бір-біріне жақын орналасқанын көрсетеді", - деп атап өтті мамандар.

Қатты тербеліс кезеңі өте қысқа болып, бес секундтан аспады.

Ошақтардың кеңістік және уақыт бойынша жақындығын ескере отырып, мамандар бірінші жер сілкінісін екіншісінің форшогы деп есептейді.

Анықтама: Форшок - бұл сол сейсмикалық тізбектегі неғұрлым күшті жер сілкінісінің алдында болатын әлсіз дүмпу.

Жер сілкіністерінің сейсмограммалары. Фото kndc.kz

Жойқын жер сілкінісі болмайды

Жер сілкінісінен кейін ТЖМ Сейсмологиялық бақылау және зерттеу ұлттық ғылыми орталығы комиссиясы геофизикалық, сейсмологиялық, гидрохимиялық, гидродинамикалық және басқа да бақылау деректерін талдады.

Мамандар болған жер сілкінісін фондық сейсмикалық көріністерге жатқызады. Алматы болжау полигонындағы қазіргі сейсмикалық жағдай тұрақты деп бағаланып отыр.

"СБЗҰҒО комиссиясының қазіргі бағалауынша, Алматы болжамдық полигоны аумағында жойқын жер сілкінісін күтуге негіз жоқ", - деп хабарлады ТЖМ.

Бұл ретте мамандар сейсмикалық жағдайға тұрақты мониторинг жүргізіп, келіп түсетін деректерді талдауды жалғастырып жатыр.

Неге жер сілкінісі соққы сияқты сезілді?

Сейсмолог әрі геофизик, физика-математика ғылымдарының кандидаты, Қазақстанның сейсмологиялық ұйымдарының бұрынғы басшысы Мұхтар Хайдаров оқиғаға қатысты пікір білдіріп, алматылықтардың "жерастынан соққы" немесе "жарылысқа ұқсас" деп сипаттаған әсер, ошақтағы жоғары жиілікті тербеліспен немесе ығысу ығысу сипатымен байланысты болуы мүмкін.

"Менің ойымша, әдеттегідей, жазғы аптаптан кейін күзде шыңдағы қар шың мен мұздықтардың еруінен су көбейеді. Тау құрылымдарының салмағы жеңілдегендей болады, бұл тау бөктеріндегі күзгі фондық жер сілкіністерінің пайда болуына ықпал етуі мүмкін. Бұл жер сілкінісі әлсіз және фондық сипатта болды, оның магнитудасы төрттен сәл ғана асады", – деді Хайдаров.

Бэұл ретте сейсмолог дүмпудің қатты болғанына назар аударып, оған табиғи факторлармен қатар антропогендік факторлар да әсер етуі мүмкін екенін жоққа шығармайды.

"Мысалы, қалада жерасты сулары өте көп өндіріледі – маған мәлім деректер бойынша, қаладағы судың 90 пайыздан астамы артезиан сулары", – деп толықтырды сарапшы.

Еске салсақ, дүмпулерден кейін Алматы тұрғындары әлеуметтік желілерде өз әсерлерін бөліскен болатын. Кейбіреулері тігінен болған күрт соққы туралы айтса, басқалары көлденең тербелісті сезген.

Сондай-ақ оқиғадан кейін ТЖМ "Қазселденқорғау" мамандары өзен арналарын, гидротехникалық нысандарды, сондай-ақ көшкін және сел қаупі бар аймақтарды тексеріп шықты. Тексеріс нәтижесі бойынша ешқандай зақымдану анықталған жоқ.

Бізді Google-дың негізгі дереккөздер тізіміне қосыңыз

Қосу