Тоқаев Қазақстанды танытқан қытайлық блогерді марапаттады

АСТАНА, 4 сәуір – Sputnik. Миллиондаған оқырманы бар қытайлық блогер, Kazakh Tourism амбассадоры Тао Минсю Мемлекет басшысының атынан ІІ дәрежелі "Достық" орденімен марапатталды, деп хабарлайды мәдениет және ақпарат министрлігінің баспасөз қызметі.

Жоғары мемлекеттік награданы оған мәдениет және ақпарат министрі Аида Балаева табыстады.

© Photo : Пресс-служба Министерства культуры и информации Республики КазахстанКитайский блогер-миллионник Тао Минсю и Аида Балаева

Китайский блогер-миллионник Тао Минсю и Аида Балаева

© Photo : Пресс-служба Министерства культуры и информации Республики Казахстан

Марапат Тао Минсюдің Қытай медиакеңістігінде Қазақстанды танытуға, оның мәдени мұрасы мен туристік әлеуетін насихаттауға, сондай-ақ Қазақстан мен Қытай арасындағы гуманитарлық байланыстарды нығайтуға қосқан үлесі үшін берілді.

Марапаттау рәсімі барысында Аида Балаева Тао Минсюдің екі ел халқы арасындағы достықты нығайтудағы еңбегінің маңызын атап өтті.

"ІІ дәрежелі "Достық" ордені – бұл Қазақстан мен Қытай арасындағы достық пен гуманитарлық байланыстарды нығайтуға қосқан үлесіңіздің жоғары мемлекеттік бағасы. Сіздің еңбегіңіздің арқасында миллиондаған адам Қазақстанды, оның бай мәдени мұрасын, көркем табиғатын және туристік әлеуетін жақынырақ таныды", – деп атап өтті Аида Балаева.

© Photo : Пресс-служба Министерства культуры и информации Республики КазахстанКитайский блогер-миллионник, амбассадор Kazakh Tourism Тао Минсю награждена орденом "Достық" II степени

Китайский блогер-миллионник, амбассадор Kazakh Tourism Тао Минсю награждена орденом "Достық" II степени

© Photo : Пресс-служба Министерства культуры и информации Республики Казахстан

Тао Тао лақап атымен танымал контентмейкер Қазақстанға алғаш рет 2024 жылдың қыркүйегінде арнайы шақырумен келген. Содан бері ол Астана, Алматы қалалары мен Ақмола, Алматы, Шығыс Қазақстан, Маңғыстау облыстарын аралап үлгерді. Ол еліміз туралы 100-ден аса материал жариялап, олардың жалпы қаралымы 1 миллиардтан асқан. Осы еңбегі үшін 2025 жылдың мамырында оған "Қазақстан туризмінің елшісі" мәртебесі берілді.

Қазіргі уақытта блогер Қазақстанға бесінші рет сапарлап жүр. Бұл жолы ол Алматы, Ақтау және Түркістан бағыттарын қамтып, Амал мен Наурыз мерекелеріне қатысты.

Министрлік бұл марапат Қазақстан президенті Қасым-Жомарт Тоқаев пен Қытай төрағасы Си Цзиньпиннің бастамасымен бұрын-соңды болмаған деңгейге көтерілген екіжақты стратегиялық әріптестіктің айқын көрінісі екенін хабарлады.