Трамп Иран мен Харк аралының мұнайын басып алуға рұқсат берді

Financial Times басылымына берген сұхбатында Трамп Иран мұнайы мен негізгі инфрақұрылымын бақылауға алуды қарастырып жатқанын мәлімдеді.

Атап айтқанда, ол АҚШ елдің негізгі мұнай орталығы Харг аралын басып алуы мүмкін екенін айтты. Сондай-ақ, америкалық күштердің белгілі бір уақытқа дейін сол жерде болуы керек екенін атап өтті.

Иранның аралдағы қорғаныс мүмкіндіктері туралы сұраққа жауап бере отырып, Трамп олардың шектеулі екенін және Америка Құрама Штаттары «бақылауды оңай қолға ала алатынын» айтты.

Бұл мәлімдемелер Таяу Шығыстағы АҚШ әскери қатысуының күшеюімен, аймаққа шамамен 3500 қосымша америкалық әскер орналастырылуымен байланысты болды.

Сонымен қатар, Трамп АҚШ пен Иран арасындағы делдалдар арқылы жанама байланыстар жалғасып жатқанын және оның пікірінше, сәтті жүріп жатқанын мәлімдеді. Ол жақын арада атысты тоқтату туралы келісімге қол жеткізу мүмкіндігін жоққа шығармады.

Бұған дейін Вашингтон жасырын түрде құрлықтағы шабуылға дайындалып жатқандығы туралы Иран парламенті спикерінің мәлімдемесін хабарлаған едік.