Трамп: Қытай кезіндегі айбынды Канаданы толығымен өз еркіне бағындырып алды

АҚШ Президенті Дональд Трамп Канаданың Қытаймен жасасқан сауда келісімі бұл ел үшін апатты салдарға әкелетініне сенім білдірді, деп хабарлайды Arasha.kz.

«Канада өз-өзін жүйелі түрде құрдымға жіберіп жатыр. Қытаймен жасалған бұл мәміле олар үшін нағыз қасірет. Ол тарихтағы ең сорақы келісімдердің бірі ретінде есте қалады», — деп жазды Америка басшысы Truth Social желісінде.

Трамп канадалық компаниялар туралы айта келе: «Олардың бүкіл бизнесі АҚШ-қа көшіп жатыр», — деп қосты.

«Мен Канаданың аман қалып, гүлденгенін қалаймын», — деп сендірді АҚШ президенті. Сондай-ақ ол Канаданың автокөлік өнеркәсібі өкілдерінің видеожазбасын жариялап, оны көруге кеңес берді. Видеода сауда саласында АҚШ-пен байланысты үзбеудің маңыздылығы айтылады.

Тағы бір жазбасында Трамп: «Қытай кезіндегі айбынды Канаданы сәтті әрі толығымен басып алып жатыр», — деп мәлімдеді.

«Мұны көру өте өкінішті. Жалғыз тілегім — хоккеиге тиіспесе екен», — деп түйіндеді АҚШ президенті.