Трамп Тайвань тәуелсіздігі үшін АҚШ тың Қытаймен соғысы туралы айтты

АҚШ президенті Дональд Трамп Fox News телеарнасына берген сұхбатында Құрама Штаттар Тайвань тәуелсіздігі үшін Қытаймен соғысқысы келмейтінін мәлімдеді, - деп хабарлайды Tengrinews.kz тілшісі.

АҚШ президенті Дональд Трамп Fox News телеарнасына берген сұхбатында Құрама Штаттар Тайвань тәуелсіздігі үшін Қытаймен соғысқысы келмейтінін мәлімдеді, - деп хабарлайды Tengrinews.kz тілшісі.

"Ашығын айтқанда, әлдебіреулер тәуелсіздік жариялап, соның салдарынан бізге соғысу үшін 9,5 мың миль жерді басып өтуге тура келгенін қаламаймын", — деді Трамп Тайвань мәселесіне қатысты пікір білдіре отырып.

Америкалық көшбасшының пайымдауынша, егер жағдай қаз-қалпында сақталса, Бейжің аралға қатысты ешқандай қадамға бармауы мүмкін.

"Біз біреулердің: „Құрама Штаттар бізді қолдайды, сондықтан тәуелсіздік жариялайық“ дегенін қаламаймыз", — деп толықтырды Трамп.

АҚШ президенті ҚХР мен Тайваньды сабырға шақырды: "Тайваньның сәл сабыр сақтағаны өте ақылды қадам болар еді. Қытайдың да сәл сабыр сақтағаны өте орынды болар еді".

Сондай-ақ, Трамп Тайваньға 12 миллиард долларлық америкалық қару-жарақ жеткізу мәселесі әзірге кідіртілгенін айтты.

"Мен бұл шешімді әзірге кейінге қалдырып отырмын, бәрі Қытайға байланысты. Шынын айтқанда, бұл біз үшін келіссөздердегі өте күшті артықшылық. Он екі миллиард доллар — бұл өте көп қару", — деді Трамп.

Америка басшысы бұған дейін АҚШ пен Қытай арасындағы Тайваньға қатысты келіспеушіліктер толыққанды қақтығысқа ұласады деп қауіптенбейтінін айтқан.

Бейжің Тайваньды ҚХР-дың ажырамас бөлігі деп санайды. Ал "бір Қытай" қағидатын сақтау Қытаймен дипломатиялық қарым-қатынас орнатқысы немесе оны сақтап қалғысы келетін мемлекеттер үшін міндетті шарт ретінде қарастырылады. АҚШ-тың Тайваньға қару сатуы Вашингтон мен Бейжің арасындағы шиеленістің негізгі себептерінің бірі болып қала береді.

ҚАЗІР ТАЛҚЫЛАНЫП ЖАТЫР

Қазақстанның Халық жазушысы Мұхтар Шаханов өмірден өтті

19 сәуір 22:47 1

Министр Қазақстандағы курьерлер мен такси жүргізушілері үшін алаңдатарлық болжам айтты

27 сәуір 18:41 1

Қызылордада тұрғын үй-коммуналдық шаруашылық саласын дамыту тақырыбында форум өтті

12 мамыр 22:48 2

Google News арқылы жаңалықтарымызды қадағалаңыз