Трамп Украинаны келіссөздер үстеліне тезірек отыруға шақырды

АСТАНА, 17 ақпан – Sputnik. АҚШ президенті Дональд Трамп Украинаның Ресеймен қақтығысты реттеу үшін келіссөздер үстеліне тезірек отыратын уақыт келді деп мәлімдеді.

"Украина келіссөздер үстеліне тезірек келгені жөн. Мен тек осыны айтқым келіп тұр", - деді Трамп журналистерге.

Сонымен қатар Трамп Женевада өтетін келіссөздерді оңай деп сипаттады. Бірақ ол бұл келіссөздер өте маңызды екенін де айтты.

"Бұл өте маңызды", - деді АҚШ президенті.

Ресей президентінің баспасөз хатшысы Дмитрий Песков Украинадағы қақтығысты реттеу бойынша талқылаулар 17-18 ақпанда жалғасатынын растады.

Женевадағы Ресей делегациясын президенттің көмекшісі Владимир Мединский басқарады. АҚШ тарапынан Стив Уиткофф пен Джаред Кушнер де Женевадағы кездесуге қатысады.