Бразилия президенті Украина бойынша келіссөздер жүргізуге шақырды

АСТАНА, 27 қазан – Sputnik. Бразилия президенті Луис Инасиу Лула да Силва Украина бойынша келіссөздер жүргізуге шақырды. Сонымен қатар ол Бразилияның қақтығысты шешуге көмектесуге дайын екенін мәлімдеді, деп хабарлайды РИА Новости тілшісі.

"Мен АҚШ президенті Дональд Трампқа әзірге айтқан жоқпын, бірақ жақын арада айтамын. Менің ойымша, біз де Украинадағы қақтығысты тоқтатуға көмектесе аламыз. Өйткені, менің ойымша, ол қазірдің өзінде пісіп-жетілген кезеңге жетті. Соғыс үш жылдан бері жалғасып жатыр, және Ресей президенті Владимир Путин не қалайтынын біледі. Зеленский не қалайтынын біледі - бәрі түсінеді. Тек олардың келіссөз жүргізуі ғана қалды. Менің ойымша, бұл соғысты аяқтайтын уақыт келді", - деді Бразилия президенті Малайзиядағы АСЕАН саммиті аясында.