Тұрақсыз әлемдегі тірек : Еуразия сыйлығының басқа жобалардан айырмашылығы неде

АСТАНА, 30 маусым – Sputnik. "Еуразия" байқауында саясат жоқ - оның барлық номинациясы гуманитарлық және мәдени ынтымақтастықты дамытуға бағытталған, оны бұлқан-талқан болып жатқан қазіргі тұрақсыз әлемнің тірегі деп атауға болады, деп мәлімдеді "Еуразия" АҮЕҰ кеңесінің мүшесі, "Еуразиялық мониторинг" талдамалық зерттеулер орталығының директоры Әлібек Тәжібаев Sputnik Қазақстан алаңында өткен баспасөз мәслихатында.

Бірде-бір жобаның дәл осы жобадағыдай ауқымы кең емес, өйткені "Еуразияға" алыс және жақын шетелден 30-ға жуық ел қатысады.

"Бұл жүлде қоры соншалық үлкен болмаса да, қатысушылардың үлкен саны болып отыр. Жиналатын мыңдаған өтінім - бұл пассионарлық, бастама көтеретін адамдар", - деді ол.

Тәжібаевтың пікірінше, бұл адамдарға алатын сыйлық қана емес, қауымдастықтың бір бөлігі болу маңызды.

"Бітімгершілік, жақсылық жасау – біз сүйенетін еуразиялықтардың іргетасы... Екінші жағынан, бұл қазіргі заманғы өзгертілген, бұрмаланған құндылықтардың әсеріне қарсы тұратындар", - деді сарапшы.

Оның айтуынша, бүкіл әлем дін, ұлтаралық, жыныстық қатынастар мен өзара қарым-қатынасқа деген көзқарас бұзылатын "түсініксіз эмоционалды күй" кешіп жатыр.

"Мен "Еуразияны" тірек нүктесі деп білемін. Бұл дәстүрлі құндылықтардың дамуын қолдау және нығайту үшін барлық ресурсқа, барлық құзыретке ие флагман", - деді Тәжібаев.

Байқауға әртүрлі жастағы адамдар қатысып жатыр және оларды осы идея біріктіреді, дейді ол.

"Егер "Еуразия" сыйлығы болмаса, олар өмірде ешқашан бір-бірін танымас еді. "Еуразияның" арқасында біз өзіміз танып өскен, болашақ ұрпағымызға бергіміз келетін іргетасқа айналатын дәстүрлі құндылықтар тек "Еуразия" байқауында ғана емес, бүкіл Еуразияның қызметінде де қолдау табатынын түсінеміз", - деді Әлібек Тәжібаев.

Оның айтуынша, "Еуразия" автономды үкіметтік емес ұйымы үш жыл Батыс қорларына тиесілі алаңда елеулі ойыншыға айнала алды. Сондықтан дәстүрлі құндылықтарды қолдайтын ұйымның жобаларын дамыту маңызды.