Тұрғын әкімді сотқа берді енді қалада ережелер өзгереді

"Казцинк" кәсіпорнындағы апаттан кейін Өскемен тұрғыны қала әкімін сотқа берді. Ол төтенше жағдай кезінде билік өкілдерінің тұрғындарға қауіп деңгейі мен қалай әрекет ету керектігін түсіндірмегенін алға тартты. Нәтижесінде әкімдік халықты құлақтандырудың нақты ережелерін әзірлеуге келісті, деп хабарлайды Tengrinews.kz тілшісі.

Тұрғын неге сотқа жүгінді

Талап арызға 2026 жылғы 5 мамырда "Казцинк" металлургиялық кешенінде болған апат себеп болды. Yk.kz хабарлауынша, оқиғадан кейін қала тұрғыны ресми ақпарат тым кеш берілді деп есептеген.

Оның айтуынша, қалалықтарға апаттың халыққа қаншалықты қауіпті екені дер кезінде хабарланбаған, сондай-ақ мұндай жағдайда өзін қалай ұстау керектігі туралы ұсыныстар берілмеген.

Ер адам сотқа жүгініп, Өскемен әкіміне техногендік сипаттағы төтенше жағдайлар кезінде тұрғындарды құлақтандырудың түсінікті тәртібін бекітуді міндеттеуді талап етті.

Өскемендегі зауытта болған жарылыс — тергеу екі негізгі нұсқаны қарастырып жатыр

Анықтама:2026 жылғы 5 мамырда "Казцинк" металлургиялық кешенінде жарылыс болып, арты өртке ұласты және құрылымдардың бір бөлігі опырылып түсті. Салдарынан екі адам қаза тауып, тағы бес жұмысшы зардап шекті. Оқиғаның себептерін анықтау үшін арнайы комиссия құрылды.

Тұрғын мен әкімдік неге келісті

Істі Шығыс Қазақстан облысының мамандандырылған ауданаралық әкімшілік соты қарады.

ҚАЗІР ТАЛҚЫЛАНЫП ЖАТЫР

Испанияда танымал зиян әдетке тыйым салынуы мүмкін

Кеше 18:07 1

Сот талқылауы басталғанға дейін тараптар дауды бейбіт жолмен шешуге уағдаласты. Өскемен әкімі 2026 жылғы 30 шілдеге дейін қауіпті өндірістік нысандардағы апаттар кезінде тұрғындарды құлақтандырудың арнайы регламентін әзірлеуге және бекітуге міндеттелді.

Құжатта мыналар көрсетілуі тиіс:

тұрғындарға оқиға туралы кім және қандай мерзімде хабарлайтыны; мәй-жайлар нақтыланған сайын ақпараттың қалай жарияланатыны; қалалықтарды қайта құлақтандыру қажеттілігі; қандай ресми ресурстар мен бұқаралық ақпарат құралдары қолданылатыны.

«Құжат халықты құлақтандыру тәртібін, соның ішінде мән-жайлардың анықталуына қарай ақпарат беруді, жаңа деректер пайда болған кезде қайта хабарлауды, сондай-ақ барлық қолжетімді арналарды — ресми ресурстар мен бұқаралық ақпарат құралдарын пайдалануды айқындауы тиіс», — деп хабарлады соттан.

Дау немен аяқталды

Сот тұрғын мен әкімдік арасындағы келісімді бекітті. Қала билігі регламент әзірлеу міндеттемесін алғаннан кейін, ер адам өзінің бұрынғы талаптарынан бас тартты.

Осыған байланысты талап арыз оған қайтарылды. Сот ұйғарымы әзірге заңды күшіне енген жоқ.

Өскемен қаласының әкімі — Алмат Ақышов. Ол бұл қызметті 2024 жылғы желтоқсаннан бері атқарып келеді.

Google News арқылы жаңалықтарымызды қадағалаңыз

Жазылу