Тұрғындардың қауіпсіздігі қадағаланады

Тренингке облыстық басқарушы сервистік компаниялары және мүлік меншік иелері бірлестіктері қауымдас­тығының төрағалары, Төтенше жағ­дай­лар департаментінің, Ақтау қаласы әкімдігінің, тұрғын үй-коммуналдық шаруашылық саласының мамандары қатысты. Семинар барысында көпқабатты тұрғын үйлерді басқару, МИБ пен бас­қарушы компа­ниялардың міндеттері мен жауапкершілігі, тұрғындармен кері байланысты күшейту, тұрғын үй қорын қауіпсіз пайдалану және заңнама та­лаптары жан-жақты талқыланды. Со­нымен қатар өрт қауіпсіздігі, төтенше жағдайлардың алдын алу, инженерлік желілерді қауіпсіз пайдалану, авария­лық жағдайлар кезіндегі іс-қимыл алго­ритмдері және тұрғындармен тиімді коммуникация орнату мәселелері сөз болды.

Айта кетер­­лігі, партия жанындағы «Ақтау тұрғын­дары» БПҰ басты міндеттерінің бірі – тұрғындардың мәселесін тыңдап қана қоймай, олардың шешілуіне ықпал ететін тұрақты диалог алаңын қалыптастыру. Алдағы уақытта да осы бағыттағы жұмыстар жалғасады. Іс-шара аясында Құрылтай сайлауы ке­зінде партиямен тығыз байла­ныс орнатып, қолдау көрсеткен МИБ төрағаларына «Әділет» партиясы Маң­ғыстау облыстық филиалының басшысы И.Шағырбаевтың атынан алғыс хаттар табысталды. 

Бекбол АМАНГЕЛДІ