Түркістан облысында көлік газ құбырына соғылып, өртеніп кетті

АСТАНА, 17 ақпан – Sputnik. Түркістан облысы Төлеби ауданы Абдулабад ауылында көлік газ құбырына соғылып, өртеніп кетті, деп хабарлайды "QazaqGaz Aimaq" баспасөз қызметі.

Оқиға 17 қаңтарда таңғы уақытта болған.

Автокөлік газ құбырына соғылған. Зардап шеккендер жоқ, өрт тез арада жойылды, дейді компанияда.

Оқиғаның қауіпсіздігін қамтамасыз ету және оқшаулау мақсатында апатты-диспетчерлік қызмет мамандары "Зератас" МТҚ-дан газды жедел ажыратты. Тұтынушыларды газбен жабдықтау штаттық режимде жүзеге асырылады, абоненттер газға қосылады.

"Халықтың қауіпсіздігі мен газбен жабдықтаудың тұрақтылығы біз үшін маңызды. Жағдай тұрақты бақылауда, барлық қажетті техникалық іс-шаралар аяқталғаннан кейін нысан толық жарамды күйге келтіріледі", - дейді "QazaqGaz Aimaq" АҚ жергілікті өндірістік филиалында.

Біз тұрғындарды сақтық шараларын сақтауға және газ құбырларын қорғау аймақтарындағы тәртіп ережелерін қатаң сақтауға шақырамыз, дейді компанияда.